Ilinniarneq

Ilinniarnertuunngorniartoq: Takorluugaqarnerma ilinniagaqarusulersippaanga

Nunatsinni ilinniarnertuunngorniartartut inuttut assigiinngitsutigut tunuliaqutaqartarput, amerlasuullu ilaqutariinni aallartittooqqaataasarlutik. Ilaqutariinni siullertaalluni ilinniarnertuunngorniaraanni ilaatigut saaffiissaamik qinaasisarneq ilungersunarsinnaasutut takorloornaraluartoq naapitattali tamanna misigisimanngilaa.

Allattoq Marie Kûitse Kristensen

decembarip 03-at 2018 15:51

Aasianni ilinniarnertuunngorniarfimmi 1. G-mi ilinniartoq 17-inik ukiulik Kullorsuarmeersoq Pilunnguaq Karlsen Kristensen angajoqqaani qimallugit ilinniariarpoq. Taannalu ilaqutariinni siullertaalluni ilinniarnertuunngorniartuuvoq. Soorliuna ilinniarnertuunngorniarusulersimasoq:

- Takorluugaqarama, nammineq siunissanni suna suliffigerusunnerlugu. Anguniakkanni allassimagami soorlu, ilinniarusutanni GU-simassasunga, taavalu meeqqat atuarfiat naammasisimassagiga, Pilunnguaq Karlsen Kristensen taama oqarpoq nangillunilu:

AAMMA ATUARUK Kalaallit amerlanerusut ilinniarnertuunngorniartalersut

- Tulluusimaartorujuuvunga, nammineq imminut tatigeriarama, taava GU-nera nuannerluni. Ullormut ilikkakkakka amerlasarlutik.

Ilinniagasserinermi nalornilinngitsoortanngilaq, angajoqqaammi ilinniarnertuunngorniarsimanngitsut saaffiigissallugit qanoq issimappat? Inuttulli uteriitsuugaanni nalornissutit nammineq akissutissarsineqarsinnaasarput.

- Mikisuaraaninniilli nammineerniartuugama. taava suna tamaat nassaarerusuttarlugu. Taava kisianni soorunami anaanakkukka aperisarpakka arlaatigut ikiortariaqavikkaangama, soorlu qanoq isumaqarnersoq? immaqaluunniit qanoq kisissavara? Ungasikkaluarlugit attavigisarpakka, Pilunnguaq Karlsen Kristensen KNR-imut taama oqarpoq.

Ilinniarnertuunngorniartoq: Takorluugaqarnerma ilinniagaqarusulersippaanga

Aamma atuaruk