Tusass pisortaaninngortaassasoq
Toke Binzer Tusassimi marsip aallaqqaataani pisortaanginngussaaq.
Tusass tusagassiorfinnut taama nalunaarpoq.
Tusassip ukiuni arfineq-pingasuni pisortaanera Kristian Reinert Davidsen taamaatippat, Toke Binzerip taarsissavaa.
Kristian Reinert Savalimmiut attaveqaatinut suliffeqarfianni Føroya Telep pisortaaneratut atorfininnissamik neqeroorfigineqarnini akuerereerlugu Savalimmiunut angerlartussanngorpoq.
Toke Binzer Tusassimi 2022-mi atorfinippoq. Taanna pisortaanermut 2023-mi tullersortinngorami Tusassip pisortaqatigiivinut ilannguppoq.
Toke Binzer Tusassimi atorfinittussanngorami peroriartorfimminut Nuummut nuliani ernitillu marluk ilagalugit 2022-mi nuuppoq.
Tusassip siulersuisuisa siulittaasuat, Ulrik Blidorf, pisortaaninngortussaq pillugu ima oqarpoq:
- Siulersuisuni pimoorussilluta sukkasuumillu Tusassimi pisortaanertut atorfik inuttassarsiuussimavarput. Tusassimi massakkut aalajangiinissat pingaarutillit ingerlanneqarput. Inuttassarsiuinitsinni inuttassarsiuisarfik avataaneersoq suleqatigalugu ingerlanneqarsimavoq, inuttaasinnaasullu akornanni nalilersimavarput Toke Binzer atorfimmut eqqortuusoq.
Jonas Hasselriis Tusassip pisortaaneranut 2024-mi marsip aallaqqaataani tullersortinngussaaq.
