Blok 5-imi toqungasumik nassaarneq pasilersitsisoq

Angut toqungasoq Nuummi blokkimi nassaarineqarpoq. Kikkut tamarmik nakkutiginnissutinik filmiliuutillit immiussanik isiginnaarnissaat politiinit kajumissaarutigineqarpoq.

Allattoq Christine Hyldal

oktobarip 04-at 2024 15:27

Toqungasumik Nuummi Blok 5-imi nassaarneq pissutigalugu politiit misissuileruttorput.

Kalaallit Nunaanni Politiit tusagassiorfinnut taama nalunaaruteqarput.

Angut blokkimi toqungasoq tallimanngornermi ullaap-tungaani nassaarineqarpoq. Politiit nal. 10.22 nalunaarfigineqarput sumiiffillu kingorna assersorneqarpoq.

Misissuineq pissutigalugu politiit maannamuugallartoq annerusumik oqaaseqarsinnaanngillat.

Aamma atuarukPoliteerpassuit Nuummi inissiaqarfimmiittut

Misissuiffimmi inuit biiliminni assiliivinnit immiussat takussagaat, pasinartoqarpallu videot immiussat politiinut tunniutissagaat, Kalaallit Nunaanni Politiit kajumissaarutigaat.

Taassuma saniatigut Blok 5-imi eqqaanilu najugallit nakkutiginnissutinik filmiliuutillit pasinarsinnaasunik immiussaateqarnersut misissoqquneqarpoq

Blok 5-imi eqqaanilu sapaaatip-akunnerani pasinarsinnaasumik misigisaqarsimaguit Kalaallit Nunaanni Politiit tusarfigerusuppaatsit. Uunga sianersinnaavutit 7011448.

Suliamut tunngatillugu politiit tigusarinnissimanertik tigusarinnissimanngionnertilluunniit KNR-imut uppernarsarusunngilaat.

Nutaarsiassami kukkunermik nassaarsimaguit uunga allaffigineqarsinnaavugut.