Tunumi Parti nutaaq pilersinneqarpoq - immaqalu nuna nutaaq?
Mike Nicolaisen tassaavoq partiimik nutaamik, Kangiani Namminersornerulernerup Partianik, pilersitsisoq, taannalu aattaat aallartippoq.
Tamaamaakkaluartq anguniarneqartut ersaripput: aningaasaliisarneq pitsanngorsarneqassaaq – aammalu Tunup namminersulernissaa pisariaqarpoq.
Taassuma oqaatigaa partiip pilersinneqarnera tamakkuninnga piqquteqartoq Kangia ukiut qulit 15-illu ingerlaneranni puigorneqarsimasoq, avinngarusimasoq, salliutinneqanngitsoq – taamaattumik partiip tunup namminersulerluni ineriartornera annertusarneqarnissaa pisariaqartinneqartoq.
Ukiuni qulini 15-inilu kingullerni Tunup puigorneqarsimaneranik, avinngarusimaneranik salliutinneqarsimananilu, Partiip pilersinneqarneranut tunngavigineqartut taassuma oqaatigaa – taamaattumik Tunup nammineq namminersulerluni ineriartornera pisariaqalersoq, partii isumaqarpoq.
– Kitaaniit peertariaqarpugut. Kalaallit Nunaata ilaatut ilaatinneqanngilagut. Kommuni namminersortoq sunnguamilluunniit allannguinavianngilaq, taanna oqarpoq.
Innuttaasut atugaat ukiut arlallit qanoq artorsaatigineqartigisut, Tunumi innuttaasut arlaleriarlutik oqaatigisaraluaraat – tusarneqartannginnerannik misigisaqarlutik, taama sakkortuumik oqariartuuteqarneq ukiut arlallit pakatsisaqattaareernerup kingorna saqqummerpoq. Mike Nicolaisenip naapertorlugu namminneq inuiaat akornanni puigorneqarsimapput.
Pakatsineq ataatsimuulersitsisoq
Qaammatit marluk matuma siorna Tasiilami innuttaasut illoqarfimmi pissutsinut akerliullutik akerliussutsimik takutitsipput. Tasiilami innuttaasut tapersersorniarlugit, nunatsinni sumiiffinni allani innuttaasunit aamma akerliussutsimik takutitsisoqarpoq.
– Akerliussutsimik takutitsinerup ingerlanneqarneranit ullut 73-it qaangiupput. Qanoq pisoqarpa? Soosoqarsimanngilaq. Ataasinnguamilluunnit naamik. Taamaattumik kinguneqarnissaa tassaavoq partiimik pilersitsineq kiisalu Kalaallit Nunaata sinneraniit avissaarneq, taanna oqarpoq.
Peqataasussat 60-it missaaniissasut taassuma naatsorsuutigismagarluarpaa – kisianni peqataasut 600-ujut missaanniittut takkupput.
Mike Nicolaisenip oqarnera naapertorlugu akerliussutsimik takutitsineq, Naalakkersuisut iliuuseqarnerannik kinguneqanngilaq.
– Unammilligassaminnik qaangiiniaraluartut, inuit 600-it ullumikkut artorsartut ersiutaavoq . Inuit uani toqusarput. Dunu – Tunumiut inuunerat pingaaruteqarpoq! Tamatuma kingorna qanoq pisoqarpa? Suna tamarmi nipaaruppoq, taanna oqarpoq.
Akerliussutsimik takutitsinerup ersarilluinnartumik oqariartuuteqarnera naalakkersuisunit iliuuseqarfigineqarsimanngitsoq, taassuma oqaatigaa. Tassa taamatut pisoqarnera tunngavigalugu partiimik pilersitsiniarneq aallartinneqarsimavoq.
– Taamaa iliortoqartariaqarmat, partii pilersinneqalersimavoq. Ikiortariaqarpugut. Ilinniagaqarnernut, inissianik pisariaqartitsinermut atugarissaarnerulernermullu ikiortariaqarpugut, taanna oqarpoq.
Killiffik kingulleq
Tunup namminersulerluni pilersinneqarnissaa sakkortuusinnaagaluartoq, Tunumi pissutsit ilungersunartumik ingerlanerannut ersersitsilluinnartuusoq, Mike Nicolaisenip oqaatigaa.
– Tusarlugu sianilluanngitsutut ippoq. Kisianni tamanna iliuuseqartoqanngimmat pivoq. Uagut soqutigineqanngilagut. Tunup soqutigineqannginneranit tamanna kinguneqarpoq.
Kitaata salliutinneqarnerusartoq, Tunulli illunut pisoqqanut, ilinniagaqarnissamut periarfissanik amigaateqarnermik aammalu suliffissaaleqinermik imminiiginnarneqartartoq, taassuma naqissuserpaa.
– Ilulissani takornarianik pissarsiniarlutik assortuunnerat soqutiginngilara. Aningaasarsisarput – uagutsinnut taamaattoqanngilaq, taanna oqarpoq.
taanna naapertorlugu inuiaqatigiinni ajornartorsiutinik sammisaqarnerni, Tunu aatsaat soqutigineqalertarpoq:
– Imminut toquttarnerit, atungarliornerit imerajuttarnerlu pillugit, atsaat eqqaaneqartarpugut.
Partii aallartisartoq ingerlasorlu
Partiip suli aallarterlaatut inissisimanera, tamannalu tunngavigalugu aalajangiunneqarsimasunik suli peqanngitsoq, Mike Nicolaisenip naqissuserpaa. Naalakkersuinikkut aalajangiinerit qanoq ingerlariaqqinnissamut aalajagiisuussaaq.
Pissutsit allanngorsinnaapput. Naalakkersuinikkulli qanoq iliuuseqarnersut apeqqutaavoq. Allannguuteqartitsisinnaappata, pissutsit aamma allanngorsinnaapput. Kisianni tassunga unittitsigallartoqannassanngilaq. Pissutsit allanngortinneqassapput, taanna oqarpoq.
Ukiut arlallit ingerlaneranni naammagittaalliornernik pakatsinernillu iliuuseqarnermut tunngaviusut nassatallit, taassuma oqaluttuaraa.
- Tassaavungut akerliussutsimik takutitsinerup kingornatigut, naasup kingunissaa siammartinneqarsimasoq saqqummersoq.
Aammalumi naasuuerutigingaluarluguTunup namminersulerluni ingerlalernissaanik oqariartuut sakkortusinnaasoq, Mike Nicolaisenip oqariartuut taanna saqqummiussimanini naapertuussoraa. Tassami taanna periarfissatuatut isiginngilaa – kisianni taamatut oqaaseqartoqartariaqarsoraa.
– Taamaattumik oqariartuuteqarnera uaga ajorinngilara, immaqa sianiilliorpalaarnerusinnaavoq. Tunumili innuttaasut uanga oqaatsikka naapertorlugit kukkussimanerarlugit sianiilliornerarlugillu nalilerneqassanngillat.
Tassunga ilanngullugu ilisimavaa inuit ilaat oqariartuummut ileqimisaartuinnassasut – taamaattorli tamanna akuersaarsinnaavaa, soorlu taanna naapertorlugu pingaarnerpaajusoq: Tunup inuiaqatigiivisa atugarisaat ilungsunartut oqaatigineqarnissaat kiisalu qisuariartoqassasoq.