Tunngaviusumik inatsiseqalernissamut atatillugu oqaatsit assortuussutigigaat
- Uanga isinniit isigalugu oqaatsit atorneqartut assigiinngissutaaginnarput. Tunngaviusumik inatsit naalagaaffeqatigiinnermi pingaaruteqartutut inissisimavoq. Naalagaaffeqatigiinnerlu tunngaviusumik inatsisip taavalu aamma namminersorneq pillugu inatsisit marluusut katinnerigaat oqaraanni, taavalu aalajangeraanni, Naalagaaffeqatigiinnerup sinaakkutaata iluaniinniarluni, tassa assigiinnarpaa tunngaviusumik inatsisip sinaakkusiussaaniinniarluni.
Aamma atuaruk Naalagaaffeqatigiit: Tunngaviusumik inatsisitaarnissaq oqallisigineqarpoq
Nunatta Savalimmiullu namminneq tunngaviusumik inatsiseqalernissaminnik suliaqarnerannik tapersiinermik oqaasertalimmik Folketingimi amerlanerussuteqartut marlunngornemi aalajangiissasut ilimanarpoq.
Folketingimili ilaasortanut atlantikup avannaaneersunut pingaarpoq, aalajangiffiigineqartumi allaqqassasoq, tunngaviusumik inatsisissat naalagaaffeqatigiinnerup iluaniissasut - Danmarkip tunngaviusumik inatsisaata sinaakkutaata iluaniigatik.
Danmarkimmi tunngaviusumik inatsisaa tunngaviusumik inatsisissanut killiliisuusoq, atalantikup avannaamiut oqarput.
Aamma atuaruk Tunngaviusumik inatsiseqalernissarput danskit naalakkersuisuisa killilimmik tapersersorpaat
Aamma atuaruk Nammineernerulernissaq naalakkersuisunngortitsiniarnermi pingaartoq
Kisianni Naalagaaffeqatigiinnerup iluani imaluunniit tunngaviusumik inatsisip iluani namminersorfiusut tunngaviusumik inatsiseqassanersut allakkaluaraanni apeqqutaanavianngitsoq, Jørgen Albæk Jensen isumaqarpoq.
Tassami Savalimmiut Kalaallit nunaatalu tunngaviusumik inatsisissaasa Danmarkip tunngaviusumik inatsisaani sinaakkusiussaniiisssaat anguniarlugu danskit politikerii naaperiiaangaatsiassapput.
Danmarkip tunngaviusumik inatsisaata iluaniinniitinniarlugit naaperiaassaqisut ilimagaara. Taamaalillutillu isumaqatigiissusiorsinnaassapput, taavalu namminersornerlu pillugu nutaamik inatsisiliorlutik, Jørgen Albæk Jensen oqarpoq.