SAVALIMMIUNI QINERSINEQ Nammineernerulernissaq naalakkersuisunngortitsiniarnermi pingaartoq
Socialdemokraatit oqaluttuarisaanermi ajugaarujussuarput partiimilu siulittaasoq Aksel V. Johannesen rekordiliivoq, taannami 2500-nit qinerneqarami.
Aksel V. Johannesen naalakkersuisunngortitsiniarluni isumaqatiginniarnermi aqutsisussanngortinneqarpoq.
Naalakkersuisunngortitsinissaq pitinnagu Savalimmiuni inissatassarpassuaqartoq, Danmarks radiop politikkimi ilanngutassiisartua Ask Rostrup KNR-imut oqaluttuarpoq.
Aalisarnikkut aaqqissusssineq nutarterneqassaaq maannakkullu akileraartarnikkut periuserineqartoq allanngortnneqarluni, taakkualu saniatigut Savalimmiuni namminersorluni oqartussaanermit oqartussaanerulernissamut kissaateqarneq Aksel V. Johannesenip partiianut partiit tapersuisut arlaqartut kissaatigisaat Aksel V. Johannessenip suliassaanut ilaavoq.
Aamma atuaruk Savalimmiuni naalakkersuisut ajorsarujussuartut
Aksel V. Johannessenip inissisimanera ajornakusuulaarpoq tassami partii suleqatigiumaagassai tassalu Repulikaanerit, Fremdriftpartit imaluunniit Selvstyrepartii maannakkut Nyt Selstyretimik taaguuteqartut Namminersorneq nutaaq - taakkua Savalimmiuni Namminersorluni Oqartussaanermit oqartussaanerulernissamik imaluunniit Danmarkimit avissaavinnissamik anguniagaqaramik, Ask Rostrup DR-imi tusagassiortoq KNR-imut oqarpoq.
Inatsisinut tunngasunut oqartussaaffiit Danmarkimit Savalimmiunut nuunneqarnissaat qinersivimmi tulliuttumi pinissaat assortornagu Aksel V. Johannesenip unnuaq oqaatigaa,
Savalimmiuni namminersulivinissaq pillugu Savalimmiuni taasisitsisoqassagunartoq, Socialdemokraatit siulittaasuata ippassaq unnukkut oqatigaa, Savalimmiulli naalagaaffeqatigiinniiginnassasoq Aksel V. Johannesen oqarpoq.
Aamma atuaruk Savalimmiuni aalisarnermit isertitaasut isumaqatigiinngissutaapput