Tunillatsittut aatsaat taama amerlartigileqqittut

Covid-19-imik nunatsinni napparsimasut suli amerliartorput. Qeqqata Kommuniani amerleriarnerpaapput.
Covid-19-imik tunillatsittut suli amerliartorput. Arfininngornermi 67-it napparsimasutut nalunaarsorneqarput. Assi © : Nauja Møller / KNR
Allattoq Mathies Hvid Toft, Andreas Wille
aggustip 07-at 2021 12:32

Aatsaat taamak tunillatsittoqartigeqqippoq. Nunatsinni Nakorsaaneqarfiup nittartagaani inuit 67-it arfininngornermi tunillatsissimasutut nalunaarsorsimasut allassimavoq.

Qeqqata Kommuniani tuniluuttoqarnerpaasoq kisitsisini erserpoq. Kommunimimi tassani ippassaq 14-inik tunillatsissimasoqarpoq, ullumilu arfininngornermi 22-nngorput, arfineq-pingasunik amerleriarlutik.

AAMMA ATUARUK Qeqqani Qeqertalimmilu tunillatsissimasut amerliartortut - avannaani ikiliartorput

Kommune Qeqertalimmi akerlianik ataatsimik ullumi ikileriarput, 26-nngorlutik.

Avannaata Kommuniani Kommuneqarfik Sermersuumilu tallimanngornermi kisitsisit ullumi arfininngornermi allanngoratik 13-ullutillu arfiniliupput.

KNR tuniluunnerup qanorpiaq siaruaannera tunillatsissimasullu peqqissusaat pillugit apersuiniaraluarpoq. Akissutissamilli maannamulli suli akissutissarsinani.  

Aamma atuaruk