Nunatta Nakorsaanerata nittartagaa naapertorlugu inuit suli pingasut tunillatsissimapput. Ataaseq Kommuneqarfik Sermersuumiippoq. Assi: ToqqorsivimmitAssi: KNR / Malik Brøns

Tunillatsissimasoqartoq: Inuit pingasut coronavirusimik tunillatsissimasut

Cornavirusimik tunillatseqqasut nunatsinni sapaatiummat ualikkut 44-pput. Ippassarmit pingasunik amerlanerupput.

Inuit pingasut coronavirusimik tunillatsissimapput.

Nunatta Nakorsaaneqarfiata nittartagaani tamanna takuneqarsinnaavoq.

Nunatsinni inuit 44-t coronavirusimik maanna tunillatseqqapput. Ippassaq 41-pput.

Tunillatsissimasutut sapaatiummat nalunaarsorneqartut marluk Kommune Qeqertalimmiipput. Kommune Qeqertalimmi inuit 13-it maanna tunillatseqqapput. Pingajuat Kommuneqarfik Sermersuumiippoq.

Nunatta Nakorsaaneqarfianeersumik kisitsisinut itisiliititsiniarluni apersuinissaq KNR-ip ualeq manna sulissutigaa, sulili iluatsinnagu.

Taamaammat tunillatsissimasut sumeeerpiarnersut suli paasissutissiissutigisinnaanngilarput.

Maanna tunillatseqqasut nunatsinni siullerpaamik 2020-mi tunillatsissimasoqaqqaarmalli aatsaat taama amerlatigaat.

Cornavirusip siammatsaalinissaa pillugu killilersuutit nutaat arfininngormat atuutilerput.

Tassalu inuit 20-nit amerlaneroqqusaannginnerat tamanillu ornigarneqarsinnasuni qanermut assiaquteqaqqusineq atorunnaarput.

Taakkununngali taarsiullugit tamanit ornigarneqarsinnaasut amerlanerpaani tamakkiisumik akiuussuserneqarsimassaatit, imaluunniit tunillatsissimannginnermut uppernarsaammik sivisunerpaamik akunnernik 48-nik pisoqaassusilimmik takutitsisinnaasariaqarlutit.

Malittarisassat aggustip ulluisa qulingata tungaanut atuukkallassapput.

Aasianni, Upernavimmi Upernaviullu qanittuani nunaqarfinni inuit 20-nit amerlanerusut suli katersuuteqqusaanngillat tamanillu ornigarfigineqarsinnaasuni kikkut tamarmik qanermut suli assiaquteqassapput.

Tamanna aqunneqarsinnaanngitsumik tuniluuttoqarneranik pissuteqarpoq.

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk