Tsvangirai qimarnguvoq

Zimbabwemi illuatungiliuttut ittuat, Morgan Tsvangirai, Zimbabwemi illoqarfiit pingaarnersaanni Hararemi Hollandip aallartitaqarfiani qimarngusoq, Hollandimiut nunanut allanut ministeeriaqarfiat nalunaarpoq.
Allattoq Elisa Isaksen
juunip 23-at 2008 17:11

Nutaarsiassaqartitsivik ANP nalunaarpoq, Tsvangirai aallartitaqarfimmi unnuisimasoq, naalakkersuinerli pissutigalugu qimarngusutut pineqarnissaminik qinnuteqarsimanani. Hollandimiut nunanut allanut ministeriat Maxime Verhagen oqarpoq, Tsvangirai-p nakkutigineqarnissani pisariaqartikkuniuk aallartitaqarfimmiiginnarnissaminut tikilluaqqusaasoq.

Illuatungiliuttut siuttuat taanna, tallimanngorpat aappassaaneerluni præsidentinngorniulluni qinersinissamut, naalakkersuineq pissutigalugu nakuusertoqarnera pissutigalugu, peqataaniarunnaarluni sapaatiummat nalunaarpoq. Tassa qularnanngitsumik maanna præsidentiusup Robert Mugabep aqutsisuinit nakuusertoqarmat.

Ukiormanna marsip 29-anni siullermeerluni præsidentissarsiorluni qinersineq Tsvangiraip ajugaaffigaa, naammattumilli amerlanerussuteqavinnani.

Mugabep naalakkersuisuisa aappassaaneerluni qinersinissaq taamanili kinguarsalerpaat. Robert Mugabep partiata Zanu-Partip aappassaaneerluni qinersinissaq pilersaarutit malillugit pissasoq oqaatigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq