Trumpip nioqqutissat Mexicomeersut Canadameersullu ivertinneqaruni akitsuusersorniarai

Donald Trump USA-p præsidentiatut aappaagu januaarip ulluisa 20-anni ivertinneqarpat, nioqqutissat Mexicomeersut Canadameersullu 25 procentinik akitsuusersorneqassapput.

Trump inoqatinut attaveqaqatigiittarfimmi Truth Socialimi nammineq pigisamini taama allappoq.

- Nioqqutissat Mexicomeersut Canadameersullu suugaluarpataluunniit 25 procentinik akitsuusersorneqarnissaat, januaarip 20-anit siullertut nalunaarutiginiarpara akitsuusersuinissamullu uppernarsaatit tamaasa atsiorlugit, Trump allappoq.

Nioqqutissat USA-mut ullutsinni eqqussorneqartut killeqarfiit quianaannartumik ammaannarnerisa kingunerisaanik eqqussorneqartartut, Trump allappoq.

Mexicop Canadallu ikiaroornartunik anngiortumik eqqussuiniat inatsisinillu unioqqutitsillutik nunassiniat aatsaat iliuuseqarfigippatikkik akitsuutit atorunnaarsinneqarumaartut, Trumpip oqaatigaa.