Tissiartaammik Hollandimeersumik ujaasineq unitsinneqarpoq

Tissiartaammik Hollandimiumik inuttalimmik, Islandimiillu nunatsinnut aggustip arfineq-pingajuani aallarsimasumut, Issittumi Sakkutooqarfiup ujaasinini unitsippaa.
Tissiartaat 'LAUREL' maanna ujarneqarunnaarpoq. Assi © : Politiet i Grønland
Allattoq Kathrine Kruse
septembarip 17-at 2021 15:03

Tissiartaammik Hollandimiumik inuttalimmik ujaasineq, aggustip 30-ani aallartinneqartoq, maanna unitsinneqarpoq.

- Tissiartaat Vestmannamit aggustip arfineq-pingajuani aallarmalli takuneqaqqissimanngilaq, Lærke Ina Krogaard, Issittumi Sakkutooqarfimmi tusagassiisartoq, taama oqarpoq.

Angut tissiartaammik Islandimiit Kalaallit Nunaannukarluni aallarsimavoq, naatsorsuutigisimagaluarlugulu aggustip 22-ani tikinnissani. Ilaqutaasulli tusarfigeqqissimanngilaat.

AAMMA ATUARUK Politiit tissiartaat ujaarivaat: Angalasut pingaartumik Kujataani alaatsinaaqquneqarput

Aamma imartat tissiartaatip Hollandimiumik inuttallip ingerlaarfigisimasinnaasai ujaasineq aallartinneqarmat timmisartumik qulaavaaneqareeraluarput, taamaakkaluartorli tissiartaat suli takuneqaqqinngilaq. 

- Innuttaasut tissiartaammik takusaqarsimasut imaluunniit suliamut attuumassuteqarsinnaasunik siumuisimasut aamma nalunaaruteqarnissaminnut kaammattorneqaraluarput, Issittumi Sakkutooqarfimmit ilisimatitsipput.

Issittumi Sakkutooqarfimmit ilisimatitsissutigineqartut naapertorlugit tissiartaat ujarneqarunnaareeraluartoq suliaq ammatiinnarneqassaaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk