Timmisartorsuaq kinguaattoorpoq
Nunatta kujasissortaani novembarip ulluisa arfineq-pingajuanni silarlummat, Københavnip Narsarsuullu akornanni timmisartuussineq iluatsinngilaq.
Tamanna pissutigalugu timmisartorsuaq Narsarsuarmut ingerlasoq Kangerlussuarmut ingerlaannarpoq, tassani unnuissalluni, aqqullu Kangerlussuaq – Narsarsuaq – København novembarip ulluisa qulingiluaanni ingerlaarfigissallugu.
Air Greenland taama nalunaaruteqarpoq.
Taamatuttaaq kujataani Danmarkimiit Danmarkimullu novembarip ulluisa qulingiluaanni ingerlasussat eqqarsaatigalugit immikkut qulimiguulinnik timmisartuliisoqassaaq.
Ilaasussat qinnuigineqarput aallarfissat tikiffissallu pillugit Tekst-TV aamma www.airgreenland.com alakkaqqullugu, kiisalu stationinut paasiniaaqqullugit.