Tusk: Russit dronerpassui Polenip silaannaatigoorsimasut

Polenip silaannaa russit droneniit amerlasoorpassuarnit unioqqutitsinikkut pulaffigineqarpoq. 

Polienimi ministeriuneq, Donald Tusk, attaveqaqatigiittarfimmi X-imi pingasunngornerup ullaavani taama allappoq.

- Dronet toqqaannartumik siooranartut allaallugit nakkartinneqarput, X-imi taanna allappoq.

- Natop generalsekretæria attavigiinnaavippara iligullu.

Dronet nakkartinneqartut pillugit nalunaarutigineqartunut Rusland suli pisortatigoortumik oqaaseqanngilaq. Nutaarsiassaqartitsivik Reuters Ruslandimi illersornissamut ministereqarfimmut saaffiginnittaraluarpoq, sulili akissuteqarfigineqarnani.

Pissutsit ilungersunartut

Tusk Reuters naapertorlugu nangilluni oqarpoq Polenip silaannartaani unioqqutitsineq puussaarinerusoq.

- Puussarneqarpugut. Puussaarinerit taamaattut akiornissaannut piareersimavugut. Pisoq ilungersunarpoq, pissutsinullu pisinnaasunut assigiinngitsunut piareersimasariaqartugut qularinngilarput, Tusk oqarpoq.

Ministeriuneq oqarpoq ajoqusertoqarsimanngitsoq, uivernissamullu pissutissaqartoqanngitsoq.

Polenip ministeriunerata dronet qassiunersut oqaatiginngilaa.

Polenip nalunaaruteqarnera sioqqutitsiarlugu Ukrainep præsidentia Volodymyr Zelenskyj allappoq timmisartut timmisartuussisartullu minnerpaamik arfineq-pingasut pineqartut.

Reuters naapertorlugu Polenip sakkutuuisa qullersaqarfiat nalunaarpoq dronet arlaleriarlutik Polenip silaannartaa unioqqutitsillutik pulaffigisaraat. Polenimi timmisartut nunallu suleqataasut timmisartui unioqqutitsinerit pissutigalugit qangattarput, unioqqutitsinerillu pingasunngornermi ullaakkut unipput.

/ritzau/