Timmisartorsuaq Keflavikkimukaannarpoq

Kangerlussuarmi anoraasuarujussuarnera pissutigalugu Air Greenlandip timmisartorsua GL 1783 Kangerlussuarmukaraluartoq Keflavikkimut ingerlaqqippoq.
decembarip 22-at 2010 12:45

Timmisartorsuaq Københavnimiit Kangerlussuarmukaraluarpoq. Air Greenlandimiillu naatsorsuutigineqarpoq Keflavikkimi unnuisariaqassasoq. Taama Air Greenland tusagassiuutinut nalunaarummini allappoq.

Air Greenlandip pilersaarutigaa aqagu sisamanngornermi decembarip ulluisa 23-anni timmisartorsuaq Kangerlussuarmut ingerlaqqissinnaassasoq.

Timmisartuutileqatigiit aamma timmisartumik immikkut attartorniarlutik pilersaaruteqarput, sisamanngornermi GL 781-imut ilaasussat ingerlassinnaajumallugit. Timmisartuutileqatigiit ilanngullugu nalunaarutigaat timmisartuussinissat GL 1784 aamma GL 782 ulloq taanna ingerlanneqarsinnaassasut.

Air Greenlandimit ilanngullugu nalunaarutigineqarpoq sinerissami ullumikkut timmisartuussinerit sapinngisamik naammassiniarneqartut, taamaattorli Kangerlussuaq miffigineqarsinnaanngitsoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq