Tillitat utertippaat
Nunarsuarmi qalipakkat tusaamaneqarnerpaallutillu akisunerpaat tillinneqarsimagaluartut, maanna piginnittuminut utertinneqaqqimmata, eqqumiitsulianik nuannarisallit eqqissiallassinnaalerput.
Qalipakkat pineqartut tassaapput, norskip eqqumiitsuliortup Edvard Munch-ip qalipagai tusaamaneqarluartut, Madonna-mik skriget-imillu taaguuteqartinneqartut. Qalipagaq ”Skriget” milliard-ip affaaniknaleqartinneqarpoq.
Qalipakkat taakkua ukiut marluk matuma siorna, Oslo-mi Munch-ip katersugaasivimmit tillinneqarput.
Taamanikkut angutit marluk kiinarpalersimasut katersugaasivimmut iserput, ilaatigut sulisut katersugaasivimmullu takornariat pinngitsaalillugit natermut nallakaatinneqarput, qalipakkallu tusaamasarsuit tillillugit.
Qalipakkat uteqqittut tillinneqarnerminniilli, Norgemiit anninneqanngisaannarsimasut ajoqusersimanngtsullu, politiinit paasineqarpoq.
