Maniitsumi SAR-imik annaassiniarneq
Nutarterneqarpoq ataasinngorneq nalunaaqutaq 14.40.
Maniitsup eqqaani qeqertap Ivittusup killingani umiatsiaaraq kinngusimasoq sapaammi ulloqeqqata-kingorna nassaarineqarpoq.
Politiit umiatsiaaqqamik piginnittoq 65-inik ukioqartoq, kingullermik septembarip 16-ianni takuneqarsimasoq maanna ujaaraat.
SAR-imik ujaasineq pisup kingorna nalunaaqutaq 13.47 missaani politiinut nalunaarutigineqarnerata kingorna aallartippoq.
- Piffissamii matumani angutip qanoq issusaa ilisimanngilarput, aamma imaaniinnersoq nunamiinnersorluunniit naluarput, pigaartut pisortaat Aputsiaq Hansen oqarpoq.
Erseqqissaatigaali arlaannik pinerliniartoqarsimannginnera sapaammi politiinit takuneqarsinnaasimammat, qanigisaasullu paasitinneqareersut.
Angutip sumiinneranik imaluunniit sumiissimaneranik ilisimasaqaruit Kalaallit Nunaata Politiivisa tusarfigerusuppaatsit. Ilisimasaqaruit sianersinnaavutit uunga 70 14 48.
