Angut ajunaarsimasoq nassaarineqartoq
Angut Maniitsumeersoq sapaatiummalli maqaasineqalersoq ajunaarsimasoq marlunngornermi nassaarineqarpoq.
Kalaallit Nunaanni Politiit tusagassiuutinut nalunaarummi allapput.
Angutip umiatsiaaraa qeqertap Ivittusup eqqaani kinngusimasoq sapaatiummat ualikkulli siumorneqarmalli ujaarineqalerpoq.
Politiit tamatuma kingorna angut imaatigut, nunakkut silaannakkullu Issittumi Sakkutooqarfik peqatigalugu ujaaraat. Angut marlunngornermi qassip eqqaani nassaarineqarnersoq politiit tusagassiuutinut nalunaarummi paasissutissiissutiginngilaat, politiilli qanigisaasut kalerrinneqartut erseqqissaatigaat.
Politiit angutip assingata aqqatalu peerneqarnissaat tusagassiuutinut kaammattuutigaat. KNR-ip taamaammat ilangnutassiat saqqummersinneqarsimasut nutarteriffigai.
