Qalerallit tunineqartut quleriaammik amerleriartut

Qaanaami qaleralinnik tunissassiorneq ima ingerlalluartigaaq, ukiut sisamat ingerlaneranni qalerallit tunineqartut quleriaammik amerleriarmata. Royal Greenland nittartakkamini taama allaaserisaqarpoq.
hellefisk, Qeqertat, fisk
Assi © : Kåre Hendriksen
Allattoq Jaaku Lyberth
juulip 04-at 2018 08:28

Qaanaami aalisartut Royal Greenlandilu piginneqatigiillutik 2014-imi tunisassiorfik Inughuit Seafood A/S -ip pilersinneraniit tunisassiorfimmut qaleralinnik tunisineq ukiut sisamat ingerlanerini quleriaammik annertusivoq.

November 2017-imiit juni 2018 -i tikillugu qalerallit 225 tonsit tuneqarlutik tunisassiarineqarput.  
Piginneqatigiiffiup pilersinneqannginnerani tunisassiorfimmut tunisat ukiumut 20 tonsit missinganiitarnikuusimapput. 

 - Nuannaarutigeqaarput Inughuit Seafood A/S-ip tunisassiorfianut tunisineq tunisassiornerlu ingerlalluarmat. Piginneqatigiiffiup aallartinneraniit siullermeerluni ukioq manna qeritistiviit ulikkaarput, Royal Greenlandimi tunisassialerinermi ingerlatsisoq, Niels Ole Møller Royal Greenlandip nittaartagaanut taama oqarpoq

.

AAMMA ATUARUK Ingerlatseqatigiiffik Inughuit Seafood A/S pilersinneqarpoq

 

Aamma atuaruk