Qaanaap Qeqertallu eqqaanni aalisartoqartarpoq. Ingerlatseqatigiiffimmi siulittaasuusoq Jens Danielsen assimi takuneqarsinnaavoq.Assi: Royal Greenland

Ingerlatseqatigiiffik Inughuit Seafood A/S pilersinneqarpoq

Inughuit Food aamma Royal Greenland ingerlatseqatigiiffimmik Inughuit Seafood A/S-imik Qaanaami angerlarsimaffilimmik pilersitseqatigiipput. Royal Greenland nittartakkamini taama allaaserisaqarpoq.

Inughuit Seafood A/S-imik pilersitsineq 2014-imi oktobarip aallaqqaataani pivoq, tamannali suli pinngitsoq ingerlatseqatigiiffiit qaleralinnik tulaassuisarnerup tungaatigut suleqatigiillualereersimapput, 2013-imi qaleralinnik 110 tonsinik tulaassuisoqarsimalluni. Taama tulaassuisoqarnera aatsaat taama qaffasitsigaaq, ukiup siuliini tulaanneqartarsimasunit tallimariaataammat.

Suleqatigiinneq pitsaasoq

Ingerlatseqatigiiffimmik pilersitsinermut peqqutaapput suleqatigiilluarsimaneq, ingerlatseqatigiiffiilli immikkut pigisaat peqqutaaqataasimapputtaaq, Royal Greenlandi tulaassuisarfimmik peqarami, Inughuit Foodilu qerititsiviuteqarluni. Suleqatigiinneq ima pitsaatigilersimavoq allaat pigisat kattunnissaannik ingerlatseqatigiiffiit isumaqatigissuteqarsimallutik.

Inughuit Seafood A/S-imi siulersuisuni ilaasortat sisamaapput, taakkunannga marluk Qaanaami najugaqarput marlullu Royal Greenlandimeersuullutik. Jens Danielsen Qaanaarmiuusoq siulersuisuni siulittaasuuvoq Niels Ole Møllerilu Royal Greenlandimi qaleralinnik tunisassiornermi ingerlatsisuusoq ingerlatseqatigiiffimmi pisortaavoq. Royal Greenland taama allappoq.

Qaanaami qaleralinnik tulaassuisartut maanna 61-iupput, tulaassuiffimmilu sisamanik sulisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat