Theresa Mayimut tatiginnikkunnaarnermik partiiani taasititsisoqalersoq
Tatiginnikkunnaarnermik taasititsinissaq ullup ingerlanerani pisussatut pilersaarutigineqarpoq.
Taasititsinermili aniguinissani sukataarutiginiarlugu, Theresa Mayip 10 Downing Streetimi najugaqarfigisami saavani oqalugiarnermini oqaatigaa.
Tuluit EU-mi ilaasortaajunnaarnissaat Tuluit Nunaanni konservatiivit nutaamik aqutsisoqalernerisigut kinguartinneqaratarsinnaasoq, taamaativinneqarsinnaalluniluunniit, Theresa Mayip tunngavilersuutigaa.
AAMMA ATUARUK Brexit pillugu taasinissaq piffissaligaanngitsumik kinguartinneqarpoq
Mayip siulittaasutut, taamalu ministeriunertut, tunuarnissaanut tapersersuisut qassiunersut ilisimaneqanngikkallarpoq.
Tuluit EU-mi ilaasortaajunnaarnissaannut isumaqatigiissut Mayip EU-mik isumaqatigiissusiaa, parteeqataasa ilaat naammaginngilluinnarpaat.
Tuluit EU-mi pilersaarutit naapertorlugit aappaagu 2019-imi marsip ulluisa 29-anni ilaasortaajunnaassapput.
AAMMA ATUARUK Brexit juullertinnagu aalajangiiffigivinneqarumaarpoq