Thailandimi qaarsummiittut tamarmik annaanneqartut
Nukappiaqqat kingulliit sungiusaasuallu qaarusummiit annaanneqarsimasut ullaap-tungaa nalunaarutigineqarpoq.
TV2 Norge naapertorlugu nukappiaqqat sungiusaasuallu nunatta nalunaaqutaa naapertorlugu 8.45 annaanneqarput.
Thailandimi nalunaaqutaq malillugu 10.08 annaassiniarneq aallartinneqarpoq, upalungaarsimasullu 19-it peqataallutik.
AAMMA ATUARUK Nukappiaqqat ujaarineqartut ullut qulingiluassaanni nassaarineqartut
Nukappiaqqat arfineq-pingasut qaarsummiit ippassaq annaanneqartut peqqipput.
Thailandimi peqqinnissaq pillugu ministereqarfik marlunngornerup unnuaani taama nalunaaruteqartoq, Reuters allappoq.
Ministereqarfiup ilanngullugu nukappiaqqat arfineq-pingasut kissarneqannginnerarpai. Tamatumalu saniatigut nukappiaqqat sisamat qaarsummiit ippassaq annaanneqartut maanna piffissaq malillugu nerisinnaalernerarpai.
AAMMA ATUARUK Qaarusummi annaassiniarluni toqusoq
Nukappiaqqat ”kaaliasut” ”nerisassarpassuillu” pisariaqartikkaat, ministereqarfik paasissutissiivoq.
Nukappiaqqat marluk puamigut tunillaatumik napparsimalersimasinnaasut, ministereqarfiup ilanngullugu oqaatigaa.
- Tamarmik isikkammik arsaattartuupput, timaallu nappaammut akiuussutissagissaarpoq. Tamarmik isumalluarlutillu nuannaarput, peqqinnissaq pillugu ministereqarfiup oqaaseqartartua, Jaseda Chokdumrongsuk oqartoq nutaarsiassaqartitsivik Reuters allappoq.
Naak nukappiaqqat timimikkut tarnimikkullu ajunngikkaluartut napparsimavimmi sapaatip akunnerani nakkutigineqaqqaassapput.
AAMMA ATUARUK Nukappiaqqat sisamat qaarusummit annaanneqarput
AAMMA ATUARUK Annaassiniarnissamut periarfissaqarluartoq
