Thailandimi qaarusummi Annaassiniarnissamut periarfissaqarluartoq
Aqqartartut nammineq piumassutsiminnik annaassiniaqataasut arlaqartut, qaarusummut ullumi kingusinnerusukkut aqaguluunniit sapaammi qaarusummut anngunnissaat pisortanit naatsorsuutigineqarpoq.
Aqqartartut qaarusummut annguppata, nukappiaqqat aqqanillit sungiusaasuallu annaanniarlugit aallartinneqassaaq.
Taama oqarpoq, Thailandimi nunap immikkoortuani guvernøri Narongsak Osatanakor.
- Nukappiaqqat qaarusummiit anisinneqarnissaannik aallaqqaammulli pilersaarut attatiinnarsimavara, guvernøri oqarpoq.
- Qaarusummi sapinngisamik annikitsumik imeqarnissaa aalajangiisuusaaq Osatanakorn oqarpoq.
Taassumma ilanngullugu oqaluttuaraa, annaassiniartut qaarusummi ima annertutigisumik imaajaasimasut, imaassinnaasoq ullup unnuallu tulliuttup ingerlaneranni qaarusummi annaanniarneqartut anillassinnaassasut, siallileqqinnissaa sioqqullugu.
- Massakkut imaluunniit ullut tulliuttut pingasut sisamalluunniit ingerlaneranni annaanneqarnissaannut pissutsit ajunngivipput, Guvernnør Narongsak Osatanakorn oqarpoq.