Thailand Nukappiaqqat sisamat qaarusummit annaanneqarput

Inuussutissarsiutigalugu aqqartartut 18-it Thailandimi qaarusummi annaassiniarnerminnni nukappiaqqat sisamat annaassimagaat, annaassiniartartunit oqaatigineqarpoq.
Assi © : Patrik M. Loeff/flickr/All creative commons
Allattoq Ritzau
juulip 08-at 2018 12:39

Thailandip avannaatungaani nukappiaqqat qaarusummit anisinnaajunnaaqqasut taakkunannga sisamat annaanneqarsimasut, annaassiniartut taama nalunaarput. Inuussutissarsiutigalu aqqartartut 18-it annaassiniarput. 

Nukappiaqqat arsaattartut marluk siulliullugit qaarusummit annaanneqarput. 

Qaarusuup eqqaani ambulancit arlaqartut takuneqarput, kingornalu atorfilinnit nalunaarutigineqarpoq, nukappiaqqat annaanneqartut siulliit marluk helikopterimik napparsimavimmut Chian Raimukaanneqartut. 

Nakorsat 13-it taakkua nukappiaqqat aqqaneq marluk sungiusaasuallu  tamarmik immikkut nakorsassaat, 
qaarusummeereerput annaassiniarneq  ullaassaq  aallartinneqarmat.   

AAMMA ATUARUK Annaassiniarnissamut periarfissaqarluartoq

Thailandimi tusagassiorfiit nalunaarutaat naapertorlugu nukapiaqqat annaanniarneqarneranni sisamanngorlugit agguarneqassasut, siullermi nukappiaqqaat sisamat sinnerinilu pingasut. 

Pilersaarutit naapertorlugit nukappiaqqat sungiusaasuat kingulliulluni qaarusummit anissaaq. 

Annaassiniarnerit tullit pissapput akunnerit qulit 20-illu missaat qaangiuppata.      

AAMMA ATUARUK Qaarusummi annaassiniarluni toqusoq

 

Aamma atuaruk