Qaarusummi annaassiniarluni toqusoq
Thailandimi arsartartut aqqaneq-marluk sungiusaasuanullu immamut aqqarnissamut sungiusarneqarneranni aqqartartoq ataaseq silaannarmik nunguutislluni toquvoq.
Allattoq Ritzau
juulip 06-at 2018 07:56
Nutserisoq Ane-Marie Petersen
Thailandimi oqartussaq taama nalunaaruteqartut nutaarsiassaqartitsivik AP allappoq.
Aqqartartoq 37-nik ukiulik arsaattartunut silaannalersuutinik tunniussiartornermini nammineq silaannalersuutimik nunguutsisimasoq Thailandimi guvenøri Chian Rai oqarpoq.
AAMMA ATUARUK Nukappiaqqat ujaarineqartut ullut qulingiluassaanni nassaarineqartut
Annaassiniarnermi ajunaartoqaraluartoq nukappiaqqat ikiorniarneqarnerat ingerlaannartoq aqqartartut qullersaata nalunaarutigaat.
Qaquguli nukappiaqqat sungiusaasuallu qaarusummit qaqinneqassanersut suli nalunarpoq.
Sialleqattaarunerujussuatali qaangiunniissaata tungaanut qaarusummiiginnarnissaat nalunaarutigineqareeraluartutut periarfissaajunnaarpoq.
/ritzau/
