Politikki Inuussutissarsiutit

Tele-Postimit tunuarniartut pillugit oqaaseqarusuttoqanngilaq

Tele-Postimi aqutsisut marluk siulersuisullu iluamik suleqatigiissinnaannginnertik pissutigalugu atorfigigallakkaminnit tunuarniarlutik ataasinngormat nalunaarutigimmassuk, Tele-Posti taartissanik nassaajaarsinnaanngippat aggustip tungaanut pisortaaneqaranilu aamma pisortaanerup tullersortaa inuttaqarnavianngilaq.

Agner Mark. Foto: Tusagassiivik, Grønlands Selvstyre

Allattoq Ivik Kristiansen, Laura Aggernæs

apriilip 29-at 2015 12:45

Tele-Postilu Namminersorlutik Oqartussaninngaanniit pigineqarnermat, Nunatsinnilu kisimiilluni nalunaarasuartaatileqatigiiffiummat Nunatsinnut pingaaruteqarluinnarpoq.

Aamma atuaruk Tele-Postimi aqutsisut allanik taaguutitaartut

Taamaakkaluartorli aqutsisut tunuarneranit ullut pingasut ingerlareersut Tele-Post-imit suli KNR-imit oqaaseqarumasoqanngilaq.

Siulersusuni siulittaasoq Agner N. Mark ullut kingulliit ataatsimeeqartaarnini pissutigalugit Steen Montgomery-Andersen qanittukkut aatsaat oqaloqatigisimallugu paatsooqatigiittoqartarsimaneralu paasisimallugu, KNR-imut allappoq.

Aamma atuaruk Tele-Post qaammatit pingasut qaangiuppata pisortaaruteratarsinnaavoq

Taamaammallu Steen Montgomery-Andersen suliaq pillugu ilisimatitsissummik siunissami qaninnermi saqqummiunneqartussamik suliaqartoq, Agner N. Mark aamma allappoq.

KNR-imit Agner N. Markip allagai uppernarsarniarlugit Steen Montgomery-Anderseni ullaap tungaani pissarsiariniartaraluarparput iluatsitsinnaguli.

Aamma atuaruk Michael Binzer TELE-POST-imi atorfimminit tunuarpoq

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.