Michael Binzer TELE-POST-imi atorfimminit tunuarpoq

Michael Binzerip atorfimminit tunuarnerata kingorna suliffeqarfissuaq nutaamik pisortaanertaartussanngorpoq.
Allattoq Camilla Dam, Simon Uldum
septembarip 10-at 2014 09:04

Uanga piginnaatinneqarsimavunga siunissamut iliuusissatut pilersaarutip anguniaqarluarfiusup suliarineqarnerani siuttuunissannut.

- Ajuusaarutigaara uanga atorfinnit soraarniuteqarnera, kisianni misigisimajunnaarpunga uannut tatiginnittoqarneranik, uanga isumaga malillugu tamanna pisariaqarpoq ingerlatsiviup aqunnissaanut aamma siunissamut iliuusissatut pilersaarutip naammassineqarnissaanut, Michael Binzer oqaaseqarpoq.

Pisortaanerup tunuarniuteqarnera siulersuisut ajuusarutigaat.

- Suliat ataasiakkaat ingerlasimanerat apeqqutaatinnagu siulersuisuit qilanaarisimagaluarpaat suli Michaelip suleqatigiinnarnissaa.

- Siulersuisut pingaartippaat aamma qujassutigalugu Michaelip suliaq annertooq ingerlassimasaa, siulersuisut siulittaasuat Agner N. Mark nassuiaavoq.

TelePost ajuusaarpoq
Tatigineqannginnerminik misigisimanera TelePostip aggustip 25-ani "TelePost ajuusaarpoq"-mik qulequtalimmik tusagassiorfinnut nalunaaruteqarneranut atassuteqarunarpoq.

Immap naqqatigut kabelip aningaasalersorneqarnissaanut atatillugu paasissutissanik eqqunngitsunik saqqummiussaqarsimanini Michael Binzerrip tamatumani utoqqatsissutigaa.

- Aviisimut AG-mut oqaaserisama pitsaanngitsumik saqqummiussinertut isigineqarsinnaasimanerat ajuusaarutigaara, Binzer taamani taama oqarpoq

Tusagassiorfinnullu nalunaarummi ima allaqqavoq:

amatuma eqqartugaanera pisortaanerullu Michael Binzerip oqaasii ajoraluartumik aalajangiinerup ingerlanneqarneranik eqqunngitsumik takutitsivoq. - See more at: http://www.telepost.gl/nutaarsiassat/tele-post-i-ajuusaarpoq#sthash.g5EXyk51.dpuf

Tamatuma eqqartugaanera pisortaanerullu Michael Binzerip oqaasii ajoraluartumik aalajangiinerup ingerlanneqarneranik eqqunngitsumik takutitsivoq.

Binzer pillugu oqaaseqarusuttoqanngilaq
Agner Markili isumaqanngilaq ntusagsssiorfinnut nalunaarut pineqartoq pissutigalugu Michael Binzer tunuartoq. KNR-imut taama oqarpoq.

Binzerip tunuarniuteqarnerata kingorna Radioaviisimit oqaloqatigineqarpoq, pisorli pillugu oqaaseqarusunngilaq.

Pisortaanerup tullia Steen Montgomery-Andersen Tele-Postimi pisortaanerugallartussatut toqqarneqasrpoq, Michael Binzerilu soraarnissami tungaanut suliffeqarfimmik ikiuisassalluni.

Michael Binzer Tele-Postimi ukiut marluk missaat pisortaanertut atorfeqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk