USA-p Kalaallit Nunaanni sakkutuuliinerusinnaanissaa Folketingimi akuersissutigineqartoq

USA-p nunatsinni sakkutuuliinerusinnaanissaa isumannaatsuunissaq illersornissarlu pillugu isumaqatigiissummi qulakkeerneqarpoq. Isumaqatigiissutip immikkuualuttortai suli isumaqatigiinniutigineqartussaapput.
Assi © : Oscar Scott Carl / Sermitsiaq
Allattoq Ritzau
novembarip 19-at 2026 08:50
Nutserisoq Mads Lynge

Isumannaatsuunissaq illersornissarlu pillugu isumaqatigiissutip Folketingimi akuersissutigineqarneratigut USA Kalaallit Nunaanni sakkutuuliinerusinnaalerpoq.

109-t akuersipput akerliusoqarnanilu.

USA-p Narsarsuarmi Mestersvigimilu sakkutuuliisinnaanissaa, Danmarkip, Kalaallit Nunaata USA-llu isumaqatigiissusiornerisigut ammaanneqarpoq. Isumaqatigiissut nutaaq illuatungeriit illersornissaq pillugu 1951-imi isumaqatigiissusiannut allannguinerullunilu ilassuteqarfiuvoq.

Isumaqatigiissutip atuunnissaata sivisussusissaa ullulerneqanngilaq, naalakkersuisullu siulittaasuannit Jens-Frederik Nielsenimit(D), ministeriunermit Mette Frederiksenimit(S) USA-llu præsidentianit Donald Trumpimit atsiorneqarluni.

Isumaqatigiissut inatsisarutni novembarimi siusinnerusukkut akuersissutigineqarpoq, Folketingimilu sisamanngornermi akuersisutigineqarluni.

USA-p Kalaallit Nunaanni sakkutooqarfinnik nutaanik marlunnik pilersitsisinnaanissaa isumaqatigiissutaavoq, “Kunngeqarfiup Danmarkip oqartussaassusia nunataatalu ataatsimuussusia ataqqineqartariaqartoq, aamma kalaallit inuiaat nunat tamalaat inatsisaat naapertorlugit namminersulernissaminnut pisinnaatitaaffeqartutut inuiaqatigiittut akuersaarneqartut.”

Isumaqatigiissummi qitiusut uani tamakkiisumik paasikkit:

  • Isumaqatigiissut isumaqatigiittut pingasuusut illeersornissa pillugu isumaqatigiissutaannik “allannguisuullunilu ilassusiisuuvoq”.
  • Isumaqatigiissummi Kongeqarfik Danmarkip kisimiiilluni alajangiisusssaanera nuatamilu tamarmiujuartussaanera uppernarsaqqqinneqarpoq "kalaallillu nunat tamalaat inatsisaat napertorlugit inuiaasut nammilersulrsinnaatitaasullu uppernarsarlugu”.
  • USA NArsarsuarmi Mesterssvigimilu illersornissaqarfiliititaallunilu Pitufffik Space Basemik allilersinnaavoq. Nunatsinni sumiiffinni allani sakkutuliiniiassappat Danmark nunarpullu akuerseqqaartariaqarput.
  • USA-p aamma qaartartunut igeriuttakkanut talu "Golden Dome", sanasinnaavaa, taannalu USA-mi 2028-mi piareersimassaaq.
  • Nalagaaffiit  NATIO-mut EU-mullu ilaasortaanngitsut, aningaasaliisartulluunniit taakkunannganeersuungitsut, immikkoortortani inuiaqatigiinnut pingaaruteqartuni malunnaatilimmik sunniuteqarsinnaassanngillat.
  • Isumaqatigiisssut ullormi killeqanngilaq. Nunarput namminersortunngorpat NATO-miullu ilasortanngorpat, isumannaatsuunissamik illersoqatigiinnissamillu iusmqatigiissut atuutiinnassaaq, hvis Grønland bliver Nato-medlem.

Tunngaviis: Ministeriuneqarfik, Naalakkersuisut.