Assi: Naaja Nathanielsen/IA

Tele-Post qaammatit pingasut qaangiuppata pisortaaruteratarsinnaavoq

Tele-Postimi pisortaanerugallartoq Steen Montgomery-Andersen, pisortaanerullu tullersortigigallagaa Per Svendsen qaammatit pingasut qaangiuppata atorfimminnit tunuarpata Tele-Post taamanikkussamut aqutsisoqarunnaaratarsinnaavoq.

Suliffeqarfiit Namminersorlutik Oqartussanit tamakkiisumik ilaannakortumilluunniit pigineqartut pillugit Naalakkersuisut politikkiannik sukaterisoqartariaqarnerannut Tele-Postimut tunngatillugu suliaq takussutissaasoq, Inuit Ataqatigiit politikkikkut oqaaseqartartuata Naaja Nathanielsenip oqaatigaa:
 
- Tele-Postip siulersuisuni pisortaqatigiivinilu eqqissisimanngittoqarnera ukiualunni maanna tusartareerparput. Teleli matumani kisimiinnngilaq. Tassami suliffeqarfiit Namminersorlutik Oqartussat pigisaanni suleriaatsit assigisaallu pillugit nalornissuteqartoqartarsimavoq, Naaja Nathanielsen oqarpoq.

Aamma atuaruk Tele-Postimi aqutsisut allanik taaguutitaartut
 

Nunaoilip matumani assersuutissaqqissuunera taassuma oqaatigaa, tassani Nunaoilip siulersuisuini ilaasortat tamarmik siorna ukiakkut tunuarmata, suliffeqarfillu Namminersorlutik Oqartussanit ilaannakortumik pigineqartoq NunaMinerals akiliisinnaajunnaarluni nalunaaruteqaratarsinnaasoq:
 
- Naalakkersuisut piginnittuunermut atatillugu sukaterisariaqarput, sunalu sulissutiginiarnerlugu ersarinnerusumik takutinniartussaallugu.

- Inatsisartullu oqallinnermut peqataatinneqarnissaannut kajumisssuseqassasut innersuussutigaara, partiit tamanna pillugu isummersorsinnaaniassammata, siunnerfeqarluta ingerlariaqqissinnaaniassagatta. Siunnerfeqanngippalaartumimmi maanna ingerlavugut, suliffeqarfinnilu eqqissisimanngittoqarneranik nassataqarpoq, Inuit Ataqatigiit politikkikkut oqaaseqartartuat Naaja Nathanielsen oqarpoq.

Aamma atuaruk Michael Binzer TELE-POST-imi atorfimminit tunuarpoq
 

Suliffeqarfinni siulersuisut sulinerat politikerinit akuliuffigineqarpallaannginnissaat pingaaruteqartoq taassuma eqqaasitsissutigaa.
 
Naalakkersuisut siulittaasuat Kim Kielsen KNR-imit oqaaseqartinniaraluaratsigu iluatsinngilarput.
 
Suliffeqarfiilli Namminersorlutik Oqartussanit tamakkiisumik ilaannakortumilluunniit pigineqartut siulersuisuisa toqqarneqartarnerat siulersuisut suliassaannut naleqquttumik pisartoq Naalakkersuisut nalunaarutigaat, tamannalu suliffeqarfiit ukiumoortumik ataatsimeersuarneranni pisartoq. Annerusumilli oqaaseqarsinnaannginnertik aamma nalunaarutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat