Franskit nutaarsiassaqartitsiviat: Tasiilami inuusuttut imminut toquttarneq pillugu isiginnaartitsissusiortut

Franskit nutaarsiassaqartitsiviata, France 24-p inuusuttut Tasiilameersut illoqarfigisaminni ajornartorsiutaangaartup - tassa inuusuttut akornanni imminut toquttoqartarnera nipangersimassutaanera unitsinniarsaraat. Franskit nutaarsiassaqartitsivianit video ilanngutassiami uani takusinnaavat.

Inuusuttut Tasiilameersut illoqarfigisaminni imigassap, kinguaassiutitigut kannguttaatsuliornerit imminullu toqunnerit nipanngersimassutaasarnerat maajip qaammataani unitsinniarsaraat.

Franskit nutaarsiassaqartitsiviata, France 24-p Tasiilaq maajimi tikeraarpaa inuusuttullu suliaat malinnaaffigalugu.

AAMMA ATUARUK Tasiilami inuusuttut nipangersimaneq isiginnaartitsinikkut unitsinniaraat

Inuusuttup Eino Taunajip aallarneeqataaffiani inuusuttut namminneq oqaluttuassaminnik oqaluttuartinneqarnissaannik siunertaqartumi isiginnaartitsissusiornermi katersuupput.

- Inuusuttuusugut inuunitsinni ajornartorsiuterpassuaqarpugut oqaatigineqarsinnaanngillallu. Taamaammat inuusuttut allat ikiorniarlugit aalajangerpunga. Taammammat una aallartippara. Taakku inuunerminni oqaluttuassatik oqaluttuaraat qiasullu takuneqarsinnaapput ajornartorsiutitillu oqaluttuaralugit, Eino Taunajik France 24-mut oqarpoq.

AAMMA ATUARUK Tasiilami meeqqat inuusuttuaqqallu sumiginnagaanerat ajorluinnarpoq

- Qatanngutiga taamaaliorsimasoq (imminut toqussimasoq aaqq.) tusarakku eqqarsaraluarpunga suujunnaassallunga kisimiittorujussuanngortippaangami. Tataannaqaaq. Tuppallersagassaajunnaarpunga. Uani (isiginnaartitsissummi aaqq.) taperserneqarneq nassaarigakku qujanaaq, Joelsine Imaka oqarpoq.

Franskit nutaarsiassaqartitsiviata ilanngutassiaani aallartitseqataasut ilaat, ilaatigut Eino Taunajik inuusuttullu arlallit isiginnaartitsissutiminngaanneersut naapinneqarpoq inuusuttullu isiginnaartitsinerannit qisuariaatit ilaat aamma takutinneqarlutik.

France 24-p ilanngutassiaa uani takusinnaavat (Tuluttoorpoq)

#REPORTERS - The despair of Greenland's Inuit youth - France 24

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat