Tasiilami inuusuttut nipangersimaneq isiginnaartitsinikkut unitsinniaraat
Imigassartornerup kingunerluutai pillugu ammanerusoqartariaqarpoq, imminortarnerlu kinguaassiutitigullu kannguttaatsuliortarnerit pillugit nipangersimaannartoqannginnissaa anguniarneqartariaqarluni.
Allattoq Inge S. Rasmussen
maajip 04-at 2018 11:39
Nutserisoq Mads Lynge
Tasiilami inuusuttut 13-it 20-llu akornanni ukiullit taama isumaqarput, nipangersimaannannginnissarlu anguniarlugu imigassaq, imminortarneq, kinguaassiutitigullu kannguttaattuliortarneq pillugit isiginnaartitsiniarlutik.
Inuusuttut ammanerulernissaq angorusuppaat, kissaatigalugulu ikioqatigiinnikkut nukittorsarnissaq. Meeqqat Inuusuttullu Oqaloqatigiittarfiata MIO-p suliniut tamanna tapersersorpaa.
Tasiilami timersortarfimmi ullumi maajip ulluisa sisamaanni isiginnaartitsisoqassaaq, unnugu nalunaaqutaq qulingiluanut isiginnaartitsisoqassalluni.
