Tamaat isigalugu: Kina qinerneqannginnerua kinalu qinerneqarnerpaava?
Folketingimut qinersineq naammassivoq, kalaallinillu Folketingimut qinigassanngortitunit 20-nit marluk Folketingimukartussanngorput. Aaja Chemnitz Larsenip Inuit Ataqatigiit Christiansborgip qarmarsuisa illuatungaanukaattussanngorteqqippaa aatsaallu qinerneqartoq Aki-Matilda Høegh-Dam Siumut tunuluaqutaralugu qinigaalluni.
Taakku marluk qinersinermi qinerneqarnerpaapput: Aaja Chemnitz Larsen 5.686-init taaneqarpoq – taakkunannga 3.056-it Nuummiinnaq taasinerullutik. Tamannalu illoqarfiit pingaarnersaanni taasisinnaasut sisamaagaangata ataaseq sinnilaarlugu Aaja Chemnitz Larsenimut taasisimanera assigaa.
Aki-Matilda Høegh-Dam 3.467-init taaneqarpoq.
AAMMA ATUARUK Aleqa Hammond qinigaanngikkaluarluni naammagisimaarinnippoq
Aleqa Hammond (NQ) taaneqarnerpaat pingasoraat, taanna 1.607-init taaguunneqarpoq.
Nivi Olsenilu (D) Aleqatut taaguunneqartigingajalluni taaguunneqarnerit sisamaattut inissippoq. Demokraatineersorlu 1.600-init taaguunneqarluni.
Jens-Erik Kirkegård (S) 1.158-init taaguunneqarluni taaguunneqarnerit tallimaattut inissippoq.
Taaguunneqannginnerit tallimat
Taaguunneqannginnerpaat tallimat takugaanni taaguunneqannginnerit ima isikkoqarput:
1. Anders Jensen (IA): taasisut 52-it
2. Jens-Christian Jacobsen (D): taasisut 66-it
3. Sascha Blidorf (D): taasisut 131-t
4. Kim Lyberth (SA): taasisut 135-t
5. Regine Møller (PN): taasisut 209-t
Partiit arfineq marluk Folketingimut qinigassanngortitsipput. Taakku taaguunneqarnerat agguaqatigiissillugu ima isikkoqarpoq:
IA taaguunneqarnerpaavoq
1. Inuit Ataqatigiit: 6.881-init taaguunneqarpoq. Tamanna procentinngorlugu 33,4-voq.
Taaguunneqarnerat 2015-imut sanilliullugu 4,9 procentpointimik kinguariarfiuvoq.
2. Siumut: 6058-init taaguunneqarpoq. Tamanna procentinngorlugu 29,4-voq.
Taaguunneqarnerat 2015-imut sanilliullugu 8,6 procentpointimik kinguariarfiuvoq..
3. Demokraatit: 2.262-init taaguuneqarput. Tamanna procentinngorlugu 11-uvoq.
Taaguunneqarnerat 2015-imut sanilliullugu 2 procentpointimik siuariarfiuvoq.
4. Nunatta Qitornai: 1.616-init taaguunneqarpoq. Tamanna procentinngorlugu 7,8-voq.
Qinersinermi kingullermi pilersinneqarnikuunngilaq. Parii 2017-imi septembarimi pilersinneqarpoq.
5. Naleraq: 1565-init taaguunneqarpoq. Tamanna procentinngorlugu 7,6-iuvoq.
Tamannalu 2,5 procentpointimik siuariarnerulluni.
6. Atassut: 1.099-init taaguunneqarpoq. Tamanna procentinngorlugu 5,3-uvoq.
Siulianut sanilliullugu 2,1 procentpointimik kinguariarfiuvoq.
7. Suleqatigiissitsisut: 520-nit taaguunneqarpoq. Tamanna procentinngorlugu 2,5-iuvoq.
Qinersinermut kingullermut sanilliullugu tamanna 2,5 procentpointimik siuariarneruvoq.
Najoqqutarisaq: valg.gl.
