Svalbardimi takornarianik angallassisartut nannunik akornusersuersuimmata akiligassinneqartut
![](/sites/default/files/styles/image_934x467/public/2024-07/polar-bear-and-its-young-on-a-rocky-cliff-in-svalb-2023-11-27-05-09-03-utc.jpg?h=307f6af3&itok=1w9JSByW)
Pinngortitami akornusersuinissaq isumatusaarneruneq ajorpoq.
Takornarianik angallassisartut franskit marluk nannumut piaraanullu umiatsiamik pullattakkamik Svalbardip avannarpasissuani juunip ulluisa 23-anni takornariartitsinerminni qanillivallaaramik tamanna uppernarsivaat
Nannut arfermik nerisut takornarianit akornusersorneqarput, qimaatinneqarlutillu.
Tamanna Svalbardimi avatagiisinut inatsisinut unioqqutitsineruvoq.
Svalbards Guvernør taama allappoq.
Nannut inuillu imminnut navianartorsiortinnginnissaat pinngitsoortinniarlugu - najukkami inatsisit naapertorlugit, ualluineq, malersuineq allatulluunnit nannunik qanillittuinissaq inerteqqutaavoq.
Taamaattumik franskit takornarianik angallassisartut, norskit aningaasaataat malillugit 20.000-inik akiligassinneqarput, tamanna Svalbardimi guvernørimit akiligassiissutaavoq. Aningaasat pineqartut danske koruuninngorlugit 13.000 koruuninik naleqarput.
Nannut eqqissillutik nerisinnaatitaallutillu uumasinnaatitaapput, Svalbardimi guvernøri taama isumaqarpoq.
Silap pissusiata allanngoriartorneranik sikusarnera annikilliartorpoq, tamannalu sikumi uumasunut ajornartorsiutaaleraluttuinnarpoq, taamaattumik guvernørip siunissami nannut pisariaqanngitsumik akornusersorneqannginnissaat immikkut sammissavaa, Lars Fause taama oqarpoq.
Takornarianik angallassisartut akiliitinneqarnertik akuerinngippassuk, suliaq Nord-Tromsip eqqartuussisoqarfianut ingerlateqqinneqassaaq.