Nanoq Ilulissat avannaaanni takuneqartoq
Nanoq Qeqertarsuup Tunuata avannarpasissuani Alluttup eqqaani sisamanngormat ullaassakkut takuneqarpoq.
Nanoq Ilulissat avannaanni naluttoq takuneqarpoq.
Allattoq Nicole Sander Bertelsen
juunip 27-at 2024 13:53
Nutserisoq Ivik Kristiansen
Nanoq qeqertap Alluttup kujasissortaata tungaanut naluttoq ullaassaq nalunaaqutaq pingasut missaanni takuneqarpoq.
Kalaallit Nunaanni Politiit tusagassiorfinnut nalunaarummi taama allapput.
Sumiiffik nannup toraagaa takornariarfigineqarusuttartutut ilisimaneqarpoq. Sumiiffiup nalaaniikkuit mianersuss, politiit allapput.
Nanorlu immissinnut takugussi nipiliornissat anginerorpasinniarlutillu talitit aalataartissagitit innersuussutigineqarpoq.
Nannumik siumuiffiusinnaasumiikkuit qoorortuumik sioorasaaralutik iginnermut atorsinnaasannik nassartassaatit.
Ilulissani nannuttassiissutit nungoreersut politii paasissutissiissutigaat.
