Susan Aglukark kulturikkut nersornaammik tunineqartoq
Nersornaat 'The Governor-General's Award for the Performing Arts'-imik taaguuteqarpoq, Canadamilu kulturikkut ineriartoqataatitsisimasunut eqqumiitsuliortunullu arajutsisassaanngitsunut tallimanut ukiut tamaasa tunniunneqartarluni.
Susan Aglukark Nunavummi Arviatimeersuuvoq, Erinarsortartullu akornanni ilisimaneqarnerpaat ilaanniilluni. Inuit inuusuttut akornanni ajornartorsiutit pillugit erinarsuusiortarpoq, kisianni nakuussuseq imminullu ataqqinninneq pillugu aamma erinarsuusiiortarluni.
Susan Aglukark 1992-imi erinarsortalerpoq, nunatsinnilu arlaleriarluni tusarnaartitsisarnikuuvoq, CD'liaalumi aamma nunatsinni nuannarineqarluarsimapput.
Susan Aglukark Ottawami general guvernørimit juunip qaammataa aallartinnerani pisortatigoortumik nersorniarneqassaaq.