Danskit ministeriat: Sulinissamut akuersissutit sukkanerusumik suliarineqartassapput

Nunanit allaneersut suliartornissaannut suliat pisariinnerusumik aaqqissuunneqartarnissaat, sulisussanillu amigaateqartoqartoq, danskit ministeriat isumaqarpoq.

Nunat allamiut ilanngutsinnissaannut ministerip, Mattias Tesfayep nunanit allaneersunit suliartortisinnaanermut pissarsisinnaanermut Naalakkersuisunut ikiuukkusuppoq.

Tamaanna Aatsitassanut Sulisoqarnermullu Naalakkersuisup Erik Jensenip (S) nunanit allaniit sulisoqarnermut tunngatillugu oqilisaanissamut tunngatillugu saqqummiussereersorlu ministerip ikiuussinnaanini nalunaarutigaa. Taakku qaammatip massuma ingerlanerani naapinnissartik naartsorsuutigaat, naapinnerminni ilaatigut Danmarkimiit peqqinnissaqarfimmiit Europallu avannaaniit sulisinnaanermut akuersissutinut allaffissortarnerup pisariillisarnissaa eqqartussavaat.

Sulisussanik amigaateqarnerup kingunerisaanik nunatta siuariartornissaanut kigaallassaataanissaa Erik Jensenip ernummatigaa, tamannalu ministerimit paasineqarsinnaavoq.

- Nunanit allaneersunik suliartortitsisinnaanermut inatsisit pisariinnerunissaat piumasarineqarmat paasilluarsinnaaqaara, Mattias Tesfaye oqarpoq.

Peqqinnissaqarfik nutaamik aaqqissuusseqqittoqarneratigut siuarsarneqassaaq

Peqqinnissaqarfimmi pitsanngorsarneqarlutik aallartereersut aallaavigalugit assigiinngitsunik aaqqiisoqarsinnaaneranut sulisinnaasut iluaqutaassapput.

- Peqqinnissaqarfimmi sulisoqarniarnerup ajornannginnerulersinniarnissaanut Namminersorlutik oqartussaniit aaqqissuussinissamik pisariinnerusumik sukkanerusumillu pilersitseqataanissamik ministeritut saaffigineqarpunga. Saaffigineqarnera ajunngilluinnartumik isigaara, aaqqiissutissanillu nassaarusuppunga, taanna oqarpoq.

AAMMA ATUARUK Erik Jensenip nunanit allaneersunik sulisoqarnissaq oqilisaanniarpaa

Nunanit allaneersut suliartornissaannut suliat sukkanerunissaannik aaqqissuussinermik taaneqartartoq Savalimmiunut peqqinnissaqarfimmut danskit nakorsat akuerisamik suliartortinneqarsinnaanerannik peqqinnissaqarfimmi aaqissuussami aalajangersimasumi peqarput.

Periuserlu taanna ilaarlugu nunatsinni atuutilernissaa ministerip sulissutigilereerpaa.

- Imaassinnaavoq Kalaallit Nunaanni aaqqissuussineq peqqinnissaqarfimmi sulisunut tamanut atuutissasoq, ministeri oqarpoq.

Savalimmiunimi periuseq atuuttoq nakorsanut kisimi atuuppoq.

Sulianik ingerlatsineq sanaartornermik ingerlatallit qaammatini 3-niit 5-nut utaqqisarpaat

Nunatsinni sanaartornermi aamma sulisussaaleqisoqarpoq. Tassani suliffeqarfik Permagreen ilaatigut oqaluttuarpoq inunnik isumaqatigiissuteqarfigisaminnik sulisinnaanissaannut akuersissutinik suliaqarnermi qaammatit pingasuniit tallimanut utaqqisariaqartarlutik.

Mattias Tesfayeli aamma isumalluarpoq.

- Savalimmiuni suliffeqarfeqarnera aallaavigalugu isummersorsinnaavugut, taamaaliornikkut sulisinnaanissamut akuersisutinik utaqqinerit sivikillineqarsinnaammata

Tesfayep Erik Jensenitulli erseqqissaatigaa malittarisassat sakkukinnerusut aatsaat nunami namminermi sulisussanik nassartoqarsinnanngippat atuutissasut. Erik Jensenillu kissaatigisaanut danskit ministeriat naapertorlugu Danmarkimut tunniussaanut naapertuuppoq:

 

AAMMA ATUARUK Nunanit allaneersut suliartornissaannut suliat sukkanerunissaat sanaartornermut iluaqutaassaaq

 

- Kalaallit Nunaanni Namminersorlutik Oqartussat tamatut paasivakka. Taamaattumimmiuna eqqarsatigigiga malittarisassat Savalimmiuni atuuttut aamma Kalaallit Nunaannut atuussinnaanersut misissorlugu aallartereersinnasugut, Mattias Tesfaye oqarpoq. 

Periaaseq nunatsinni qanoq ilusilerlugu atorneqassanersoq oqaatigitinnagu suliffeqarfeqarfimmut akuusut oqaloqatigeqqaarniarlugit Erik Jensen siusinnerusukkut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat