Enoksen Aalisarneq pillugu inatsit ilannguneqassanersoq suli aalajangiiffigineqanngilaq

Naalakkersuisut inatsisissatut siunnersuummut atatillugu saqqummiinissamut piffissaliussap saneqqunneqarnissaanik taamaallaat qinnuteqarsimapput, Inatsisartulli siuliitaasoqarfiata inatsisissatut siunnersuut oqaluusereqqaartariaqarpaa, Inatsisartullu ataatsimiinnissaannut ilanngunneqarsinnaanissaa tassani aatsaat akuerisinnaallugu.

AAMMA ATUARUK Aalisarnermut inatsisissatut siunnersuutip kinguartinneqarnissaa KNAPK-p aamma kissaatigigaa

- Siunnersuutip illersorneqarsinnaasumik suliarineqartussanngortinneqarnissaa Siulittaasoqarfiup soorunami nakkutigisassaraa; tassungalu ilaavoq inatsisissatut siunnersuutip ilusiligaanermigut pisariaqartumik pitsaassuseqarnissaa aammalu inatsisissatut siunnersuummik misissuinissaminnut Inatsisartunut ilaasortat naammattumik piffissaqartinneqarnissaat, Hans Enoksen, siulittaasoqarfik sinnerlugu tusagassiutinut nalunaarummi taama ilaatigut allaaserisaqarpoq.

Assersuutigalugu Aalisarnermut inatsisissatut siunnersuutip Inatsisartut ukiaanerani ataatsimiinnissaanni ilanngunneqarsinnaanissaa Naalakkersuisut taamaammat naatsorsuutigisinnaanngilaat.

AAMMA ATUARUK Aalisarneq pillugu inatsisissap suliarineqarnera nanginneqassasoq

AAMMA ATUARUK Erik Jensen imminut assortorpoq