Aalisarneq pillugu inatsisissap suliarineqarnera nanginneqassasoq

- Aalisarnermut, Piniarnermut Nunalerinermullu Naalakkersuisoq Erik Jensen aalisarnermik suliallit sinniisuinik aamma partiinik, Inatsisartut ukiarmi 2017-imi aalisarnermut inatsisissap siullermeerlugu aalisarnermut inatsisissap siunertaa allannguutaalu pillugit, ulluni aggersuni oqaloqatiginnittarniarpoq, nalunaarummi taama allaqqavoq.

Aalisarneq pillugu inatsisissatut siunnersuut ukiaq oqallisaasupilussuuvoq. Raajartassiissutinillu utertitsinissamut malittarisassanut allannguutissat isumaqatigiinngissutaanerat pissutigalugu, kilisaataatilissuit arlallit milliardilikkuutaanik taarsiissuteqaqqusinissamik Namminersorlutik Oqartussanut sioorasaaruteqarput.

AAMMA ATUARUK Jensenip aalisarnermut inatsit oqallisaaqisoq naammassisussaassagaa

Naalakkersuisoq naalaarusuttoq

Tusagassiorfinnut nalunaarut atuarlugu malunnarpoq siunnersuutaareersup annersaa Naalakkersuisut aalajangiusimaannarniaraat:

- Aalisarnermut, Piniarnermut Nunalerinermullu Naalakkersuisoq Erik Jensenip oqaloqateqarnermini aalisarnermut inatsisissap oqaluuserineqarneranut sanilliullugu allanik saqqummiussaqassanngilaq, nalunaarummi taama allassimasoqarpoq:

Naalakkersuisorli sinniisut partiillu isorisaannut naalaarusuppoq, nalilersuinermi oqariartuutaat nalilersorneqassallutik, nalunaarummi taama allassimasoqarpoq.

AAMMA ATUARUK Professorip aalisarneq pillugu inatsit tupigusuutigigaa