Suleqatigiissitsisut naalakkersuisooqatigiit avoqqaaraat
- Partiit naalakkersuisuutitaqartut suliassamik naammasinnissinnaannginnerat meerarpalunneruallaaqaaq nuna naalakkersuinikkut eqqissiviiliorfiulersinnera isornarluinnarpoq.
Taanna isumaqarpoq, allat sassarlutik politikkikkut eqqissiviilliorneq, nunatsinni partiit annersaata Siumup Kim Kielsenillu iluarsisinnaanngisaat, iliuuseqarfigisariaqaleraat.
AAMMA ATUARUK Partii Naleraq Naalakkersuisooqatigiinnit peqataajunnaartoq
- Isumaqarpunga IA, Demokraatit, Atassut Suleqatigiissitsisullu ataatsimut sassartariaqartut. Nunatta aqunneqarnerani patajaatsuulertariaqarsoraara.
AAMMA ATUARUK Patajaassuseq naalakkersuinermi pisariaqarpoq
Tillie Martinussenip siammasissumik isumaqatigiissuteqartoqarluni patajaatsumik pingaartorujussuusorisaminik pilersitsisoqarsinnaasoraa. Kim Kielsenilu naalakkersuisooqatigiinnik pilersitsinermini sinissimasoraa.
- Naalakkersuisut pilersinneqarnerminnit taama sivikitsigisumi isaminnerat akisussaaffeqanngitsuliornerusoraara. Tamanna piareersarluarsimannginnermik isumaqarpoq.
AAMMA ATUARUK Partii Naleqqap peqataajunnaarnera tupaallaatigineqanngitsoq
Suleqatigiissitsisunit qinikkap politikkikkut aalassassimaarneq nutaamik qinersinermik kinguneqassanngitsoq neriuutigaa.
- Politikerit meeqqerivimmiittuusillutik piumasaminnik pinngikkaangamik nutaamik qinersititsisarnerat innuttaasut qatsukkaat isumaqarpunga. Maannakkut nutaamik qinersisoqaqqinnissaa isumassarsiatsialaanngilaq aamma innuttaasut taama isumaqassasoraakka.
AAMMA ATUARUK Danskit mittarfiliortiternermut aningaasaliiniarnerat Partii Naleqqamit taperserneqaraluartoq
