Kingumut qiviarneq: Danskit mittarfiliortiternermut aningaasaliiniarnerat Partii Naleqqamit taperserneqaraluartoq
Partii Naleqqameersoq Jens Napaattooq KNR-imut taamani ima oqarpoq:
- Ilaatigut 6 milliardit angullugit akiitsoqalersinnaanerput, sanaartornikkut allarpassuartigullu inerisaaqqinnissamik innarliigatsiarsinnaammat, taamatut periarfisarsiortoqarnera soorunami toqqissiallannarpoq.
AAMMA ATUARUK Siumup Partii Naleqqallu Danmarkimik suleqateqarsinnaaneq iluaraat
Tamatumunngali peqatigitillugu danskit naalakkersuisuisa, Danmark nammineerluni Kinamik aningaasarsiornikkut suleqateqareersoq, Kinamiut ingerlatseqatigiiffiisa nunatsinni mittarfiliortiternermut aningaasalersuinissaat pillugu mianersoqqussuteqarnerat Jens Napaattuup isornartorsiorpaa.
- Nunanut allanut politikkimut aamma peqataanerunissarput, nunarsuarmoiqataasutut peqataanerujartuinnarnitsinni tamakkua ersiutaasut ilagiinnaraat, aporfisalersorneqassanngillat, Jens Napaattooq juunimi taama oqarpoq.
AAMMA ATUARUK Partii Naleraq Naalakkersuisooqatigiinnit peqataajunnaartoq
Ministeriunerup Lars Løkke Rasmussenip Nuummut tikeraarluni ullumikkut tikinnissaa akerleralugu Partii Naleraq Naalakkersuisunit ippassaq sapaammi tunuarpoq. Ministeriunerup Naalakkersuisullu siulittaasuata Kim Kielsenip mittarfiliortiternerit pillugit aningaasatigut suleqatigiinnissaq pillugu aalajangiinissaat ilimagineqarpoq.
Partii Naleqqap naalakkersuisooqataajunnaarnera naalakkersuisooqatigiit akunnerminni, ilaatigut mittarfinnik sanaartornissaq pillugu inatsisissaq aalisarnerlu pillugu inatsisissatut siunnersuut pillugit, piffissami sivisuumi isumaqatigiinngeerersut pivoq.
