Meeqqat inuusuttullu peqatigifiisa kattuffiat Sorlak qanittumi ataatsimeersuareerluni aalajangerpoq Inuusuttunut aasivik aappaagu Sorlak-mit aaqqissuunneqassasoq, tamannalu Diskobugtip ilaani ingerlanneqassasoq Sorlak-mi Siulittaasunngoqqittoq Britta Nielsen Johansen oqarpoq.
Britta Johansen oqarpoq inuusuttut kultoorilerinermi ersarinnerusariaqartut aappaagulu inuusuttut aasiveqarnissaani qilaatersorneq, nipilersorneq taallianillu saqqummiineq inuusuttut sammissavaat.
Aningaasaateqarfiit assigiinngitsut qinnuteqarfiginerisisut aningaasaliissutissat aammalu kommunit tapiissutaat aningaasartuutaajumaartussanut matussusiisussatut Sorlak-mit naatsorsuutigineqarpoq.