Socialdemokraatit Aleqa Hammond suleqatigiunnaaraat
Aleqa Hammondip Folketingimit kreditkorterisaminik atuinerata kingunerisaanik Siumumit ilaasortaajunnaarsitaanerata kingorna, Socialdemokraatit Folketingimi gruppiata Aleqa Hammondimik suleqateqarnini atorunnaarsippaa.
Aamma atuaruk Aleqa: Tunniutiinnarnianngilanga
- Unnummut (marlunngornermi, aaqq.) paasitinneqarpunga Kalaallit Nunaanni partiip suleqatigisatta Siumup Aleqa Hammondimik suleqateqarnini atorunnaarsikkaa, Aleqa Hammondillu Folketingimi attaviitsutut ingerlaannarnissani kissaatigigaa, Socialdemokraatit gruppianni siulittaasoq, Henrik Sass Larsen, DR-imut taama oqarpoq.
- Tamanna pissutigalugu Socialdemokraatit gruppiannit aamma anisussanngorpoq, tassunga ilaasortaanera Siumumi ilaasortaanissamik piumasaqaatitaqarmat, Henrik Sass Larsen taama allappoq.
Aamma atuaruk PISUT Kreditkortimik atuineq pillugu allaaserisat tamaasa