Aleqa: Tunniutiinnarnianngilanga
- Tunniutiinnarumananga aammalu suliassakka qinigaaffik naallugu suliariumallugit imminut neriorsornikuullunga taanna aalajangerpara. Suliinnarnera ingerlatissavara taamaattumillu attaviittutut sulinissara toqqarlugu. Illuatungeriilluta sumi inissisimanerput aamma erseqqissumik oqaatigaarput, Aleqa Hammond KNR-imut oqarpoq.
Aamma atuaruk Aleqa Hammond: Aninissara nammineq toqqarpara
Taassuma Folketingip aningaasaataanik namminerminut atuisimanera sapaatiummat saqqummerpoq. Tamannalu Aleqa Hammondip tulluusimaarutiginngilaa, kisiannili Folketingimut ingerlaannarnissaminut tamakku unissutiginngilai.
- Aliasuttarpunga nuannaarfeqartarlungalu, ullullu makkunani kingullerni pisimasut tulluusimaarutiginngilluaasarpakka, kisianni politikkikkut suliumassusera ajoquteqanngilaq. Taannalu tunaartaralugu nukigalugulu Folketingimi suleqatikka suleqatigalugit ingerlaqqissuunga.
Aamma atuaruk Siumut: Taamaammat Aleqa anisipparput
Aleqa Hammondip aningaasanik atuinermi Folketingimi paaseqatigiissuteqarnerarnera eqqunngitsumik tunngaveqartoq, Siumut erseqqissumik tusagassiuutinut allapput.
- Taakku nammineq isumaq isumagissavaat. Kisiannili Folketingimi politikkikkut allaffissorneq suleqatigiinneq pitsaasoq nangiinnassavara.
Aamma atuaruk PISUT Kreditkortimik atuineq pillugu allaaserisat tamaasa
Siumullu taassumunnga tatiginninnerat innarlerneqareeraluartoq qinersisini pakatsisikkumanagit Folketingimi suliani nangeqqinniarpai.
- Politikeriuvunga Folketingimullu toqqagaavunga inuppassuarnit tunuliaqutserneqarlunga. Taakkunanilu aamma nalunngilaat taamanikkut qinigaagama qanoq anorersuarsiortigereerlunga isernikuullunga; neriorsuutigalugu, suliakka assoroorlunga, anguniakkakka politikkikkut siunnerfikka, taakkua ingerlatissallugit. Aamma taamani inuiaqatigiinni oqallinnermi kukkujuittuunngerujussuartutut sassarnikuullunga inissisimavara.
- Isumaqarpungalu aamma qinigaaffiup naanissaanut, nukissaqarama, tunniutiinnarnanga ingerlaniarpunga.
