Kalaallit Nunaat peqquserluffiusutut nalunaarsoqqajunnaartoq

Kalaallit Nunaat nunatut akileraanngitsoorfiusinnaasutut nakkutigisassatut 2017-ip aallartinnerani nalunaarsorneqarpoq.

Nunat peqquserluffiusinnaasutut nalunaarsukkat 17-init amerlanerusut  EU-kommissionimi Aningaasaqarnermut Aningaasarsiornermilu Siunnersuisoqatigiinnit siorna decemberip tallimaani saqqummiunneqarput.

Akileraartarnermut Aqutsisoqarfiup 2017-ip ingerlanerani suliniuteqarnera pissutaalluni Kalaallit Nunaat nalunaarsorsimanngilaq.

Nunat akileraanngitsoorfiusinnaasut tassaagajuttarput akileraarutikitsut paasissutissanillu paarlaateqatigiinnissamut killillit.

Kalaallit Nunaat nunatut peqquserluffiusutut nalunaarsoqqajunnaarluni nunatut peqquserluffiusinnaasutut nalunaarsorsimagallarpoq. Nunarpullu maanna allattorsimaffimmikkunnaarluni.

AAMMA ATUARUK Skat udbetaler 158,5 millioner og opkræver 190,6 millioner kroner

Tamanna pissuteqarpoq Akileraartarnermut Aqutsisoqarfiup akileraarutit pillugit paasissutissanik paarlaasseqatigiinnissaminut imminut pisussaatimmat.  

Kalaallit Nunaat Global Forumimut ilaasortanngorsinnaaniassammat Akileraartarnermut Aqutsisoqarfik 2017-ip qiteqqunnerani suliniuteqarpoq, tamatumalu kingorna nunani tamalaani oqallinnermi peqataasimalluni.

Kalaallit Nunaata nunatut peqquserluffiusinnaasutut nalunaarsoqqajunnaarnissaa 2018-ip naannginnerani pisussatut, Akileraartarnermut Aqutsisoqarfimmit naatsorsuutigineqarpoq.

AAMMA ATUARUK Akileraartarnermut maleruagaasat allanngortinnerisigut mittarfiliussasut