158,5 milliuunit koruunit utertoorutigineqassapput
Akileraarutinit utertoorutissat qaammat naappat aggustip 31-anni utertoorutigineqartussanngorput.
Allattoq Thomas Munk Veirum, Bikki P. Kleist
Akileraartarnermut Aqutsisoqarfiup 2016-imut inaarummik naatsorsuutit 48.200 sinnerlugit akileraartartunut nassiussuuteqqammerpai.
Akileraartarnermut Aqutsisoqarfiup ukiumut akileraarfiusumut 2016-imut akileraarpallaarutinut utertoorutissat 158,5 milliuunit koruunit inunnut 22.390-nut utertissavai.
Utertoorutissanit 46 milliuunit koruunit pisortanut akiitsunut ilanngaatigineqarput. 26 milliuunit koruunillu kommuninut, Ini A/S-imut, Iserimmut Nukissiorfinnullu akiitsunut ilanngaatigineqarlutik.
Utertoortussat kontuminnik nalunaarutiginnissimasut qaammat naappat utertuussaapput.