Skaarup: Meeqqanik atornerluisarneq naliginnaavoq

Danskit folketingiani eqqartuussiveqarnermut ataatsimiisitaliaa, sapaatip akunnerata tulliani nunatsinnut tikissapput, tamaattoqassammallu, maanna danskit tusagassiuteqarfiisa nunatsinni pineqaatissiisarnernut natsorsukkat sammivaat.

Kisitsisini eqqartorneqartunut ilaapput, Nunatsinni pinngitsaaliisarnerni, meeqqanik atornerlusarnerni qanigisamillu atoqateqartarnerni, innuttaasut 10.000-iugaangata Danmarkimut naleqqiullugu 13-eriaammik Kalaallit nunaanni amerlanerusartut.

Dansk Folkepartimeersoq inatsiseqarnermut ataatsimiisitaliami siulittaasoq, Peter Skaarup kisitsisit tupaallaatigai.

- Kalaallit Nunaanni sakkortuunik pinerluuteqartartut amerlaneruneri ernumanarpoq, Peter Skaarup DR-mut oqarpoq.

Aamma kisitsisit ikiaroornartulerinernut tunngasut amerlapput, meeqqanilli atornerluisarnernut sanilliullugit ikiaroorniutinik pinerluuteqartarnerit amerlagisassaanngitsut, Peter Skaarup isumaqarpoq.

- Meeqqamik atoqateqartarneq Kalaallit Nunaanni sumiiffiit ilaanni annerusumik minnerusumilluunniit akuerisaasarput.

Danmarkimi innuttaasut 10.000-gaangata meeqqanik atornerluisarnerit tallimaasarput. Ukioq kingulleq Kalaallit Nunaanni meeqqanik atornerluisimanerit nalunaarutigineqartut 66-iusimapput.

- Taamaammat Kalaallit Nunaanni paasisitsiniutigineqartariaqarpoq, meeqqat taamatut atornerlunneqaraangata, meeqqat tarniinut inuuniarnerinullu qanoq sunniuteqarnerluttartiginersoq, Peter Skaarup naggasiivoq.

Inatsiseqarnermut ataatsimiisitaliaq marlunngorpat ulluni pingasuni Tunumiissinnarlutik, Ilulissanut Nuummullu aamma angalassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat