Siorarsiorfik: Siunnersorti kusanaatsulianit eqqugaasoq ingerlatsisumit atorneqanngitsoq
Siorarsiorfimmut suliniutip aallartinnerani Per Bendix Consult siunnersortitut attuumassuteqarpoq, Nuummili suliniummut aarlerissuteqartoqartariaqanngilaq.
Siunnersuisarfimmi kommunip ingerlatseqatigiiffianit Nuuk City Developmentimit, NCD-mit, Nuummi illoqarfimmik ineriartortitsinermut suliniummut Siorarsiorfimmut oktobarip aallaqqaataanit ingerlatsilersumit, ullumikkut killilimmik atorneqarpoq.
- Piginnaasat atorfissaqartitagut amerlanerit ingerlatseqatigiiffimmi pigaagut. Per Bendiximulli akunnikkuutaartumik isumaqatigiissuteqarpugut, aalajangersimasumik ikiugassaagaangatta aalajangersimasumik akilimmik saaffiginnissinnaasarluta. Sulili taamaaliunngilagut, NCD-mi pisortaaneq, Jens B. Frederiksen, KNR-imut oqarpoq.
AAMMA ATUARUK Siunnersorti pilersaarummi allami ajutooreernikuuvoq
NCD aningaasaqarnermut pisortamik, Siorarsiorfimmut suliniutip immikkoortortaanut assigiinngitsunut aningaasaliisussarsiortussamik, qanittukkut atorfinitsitsisoq, pisortaanerup ilaatigut innersuussutigaa.
Per Bendix Consult eqqartuussissuserisutullu suliffeqarfik Horten Frederikssund Kommunimi sanaartornermut suliniummut iluatsinngitsumut attuumassuteqarnerminnut misissuiffigineqassapput.
Sjællandske.dk taama allaaserisaqarpoq.
Taakku marluk suliniummut, Danmarkimi illoqarfimmik ineriartortitsinermik suliniutini annerpaajusutut taaneqartumut, siunnersortitut sulisussarsiarineqarput.
- Ullumikkut inissisimaffitsinnukarsimassanngikkutta siunnersortigut qisuariarnissaminnut siusinnerusukkut periarfissaqartariaqarsorigaluarpakka, borgmesteri Venstremeersoq John Schmidt Andersen oqarpoq.
AAMMA ATUARUK Professorip eqqartuussivilersuunniarnera 19.300 koruuneqartoq
AAMMA ATUARUK Sermersooq professorimik eqqartuussivilersuussiniarnini taamaatippaa
Borgmesterip siunnersortit marluk taarseeqqussuteqarfigineqarnissaat qularinagu Sjællandske.dk-mut oqaatigaa.
Frederikssund Kommunemi suliaq malinnaavigalugu NCD-p pisortaata, Jens B. Frederiksenip oqaatigaa.
