Sermersooq professorimik eqqartuussivilersuussiniarnini taamaatippaa
Ippassaq tusarparput, Kommuneqarfik Sermersuup Ole Helby Petersen eqqartuussivimmut suliassanngortissimavaa. Taamaaliorput, kommunip allanik aningaasaliisussarsinikkut sanaartornissamut aningaasaliissutini inissaqartitsilerlunilu akissaqartitsilernissaanik tunngavilersuineq professorip eqqunngitsuunerarmagu.
AAMMA ATUARUK Professorip eqqartuussivilersuunneqarnera qaqutigoortuuvoq
Kisianni tassa professorip oqaatigisaminik utertitsinissaanik kommunip piumasaqarnini taamaatippaa.
AAMMA ATUARUK Professori Siorarsiorfik pillugu oqaaseqartoq Sermersuup eqqartuussivilersuukkaa
Ole Helby Petersenip eqqartuussivilersuunneqarnissaa nammineq piumasarinikuugini, pisortap Lars Møller Sørensenip oqaatigereerpaa.
Kommunip piffissani aningaasaatinilu pitsaanerusumik atorusukkai, pisortap taamaatitsinermik tunngavilersuutigaa.
- Allaffeqarfiup ataqqinassutsi inatsisitigut naqissusernissaa pinnagu, Nuummi illoqarfiup ilassaata inerisarneqarnissaa Kommuneqarfik Sermersuumit pingaartinneruarput, Lars Møller Sørensen allappoq.
Borgmesterip Asii Chemnitz-Narupip eqqartuussivilersuussiniarneq allaffeqarfimmit aalajangiunneqarsimammat oqaaseqarfigerusunnagu KNR-imut oqaatigereerpaa.
Sulialli maanna naammassineqarnera naammagisimaarlugu pingasunngornermi allappoq, erseqqissaatiginngilaali kommunip eqqartuussivilersuussiniarnini sooq taamaatikkaa.