Borgmesteriusimasut partiinilu nuussimasut Siumumit qineqqusaalersut
Partii Siumut pingasunngornermi ualigaa tusagassiortunik katersuutsitsimmat nunatsinni partiit annersaata qineqqusaarutissaat qinigassanngortittullu ilisaritinneqarput.
Qineqqusaartussat 57-iupput, kingusinnerusukkulli suli amerlanerit nalunaarsinnaasut partiit siulersuisoqarfianniit nalunaarutigineqarluni.
AAMMA ATUARUK Mala Høy Kukop Atassut ilaasortaatitaarutikkaa
Qineqqusaartussanngortut Inatsisartuni Naalakkersuisunilu ilaasortaareersut ilisartartortaraat. Qineqqusaartussalli akornanni immikkut taasariallit tassaapput: Siornatigut Borgmesteriusimasut.
Ole Dorph, Qaasuitsup Kommunerisimasaaneersoq, Hermann Berthelsen Qeqqata Kommunianeersoq, Simon Simonsen Kommune Kujallermeersoq kiisalu Jess Svane Qaasuitsup Kommunerisimasaaneersoq Inatsisartunut qineqqusaartussanngormata.
AAMMA ATUARUK Hermann Berthelsen sassaqqissanngilaq
Aamma atit ilisarnartunut suliffeqarfiutilik Nicolaj Nissen akuuvoq, taanna kommunalbestyrelsimut kingullermik qinersisoqarmat sassaraluarpoq qinigaanngitsoorlunili. Aamma atoqatigiinnermut tunngasunik immikkut ilinniagalik, Ulrikka Holm aamma allattorsimaffimmiippoq.
Atassummi ilaasortaasimasut Knud Kristiansen kiisalu Mala Høy Kuko Siumut tunuliaqutaralugu matumuuna qineqqusaassapput, taakku qinigaaffimmi kingullermi parteertik tunuppaat partiilu taanna Inatsisartuni ilaasortaarulluni.
