Mala Høy Kukop Atassut ilaasortaatitaarutikkaa
Taakkunani Atassut tunuliaqutaralugu ilaasortaasoq, Mala Høy Kuko Atassummiit tunuarluni Facebookimini ullumi nalunaarutigaa. Tunuarneranut suna peqqutaanersoq erseqqinngilaq, Facebookimili quppernermini allappoq aalajangernini sivisuumik eqqarsaatigisimallugu tamannalu ilutigalugu aamma partiini qujassuteqarfigaa.
Mala Høy Kuko attaviitsutut inissisimalereersimasoq Inatsisartut nittartagaanni atuarneqarsinnaavoq.
Taamaalilluni Inatsisartuni ilaasortanit aappassaa sapaatip akunnerani matuma tunuartoqarpoq. Mikael Rosingip partiimini, Demokraatini politikkikkut aalajangiisarnerit assigiinngitsut isumaqataaffiginagit partii sapaatip akunnerani siusinnerusukkut qimappaa.
Mala Høy Kuko siusinnerusumi naalakkersuisuni 2016-imi taarserneqartuni, pinngortitamut avatanngiisinullu naalakkersuisuusimavoq. Tassanilu Kim Kielsenip naalakkersuisut taarsermagit Atassut naalakkersuisooqataajunnaarpoq Demokraatillu peqatigalugit illuatungiliuttunngorluni.
