Siumumi tusaamaneqarluartoq immikkoortortaqarfimmit tunuartoq
- Pisortatiguulerpoq.
Qarsoq Høegh-Dam Siumumi ukiuni 14-ini ilaasortaareerluni tunuarnini pillugu nalunaaruteqarluni facebookimi allakkamini aallartippoq.
Taassuma aalajangernini ajornakusoorsimasoq ersertuutinngilaa, tamannali 'inuiaqatini pillugit pisariaqartoq' erseqqissaatigaa.
Inatsisartunut ilaasortanngungajattoq
Qarsoq Høegh-Dam Inatsisartunut 2021-mi qinersinermi 796-init ikinnerunngitsunit taaguunneqarpoq. Taaguussisut taama amerlatigitillugit partiimi taaguunneqarnerit ilaanniippoq. Taamaallaallu Aslak Vilhem-Jensenimit, Erik Jensenimit aamma Kim Kielsenimit taaguunneqarnikinneruvoq.
Inatsisartunili ilaasortanngunngilaq, taannami ilaasortanngorsinnaanersoq partiip aalajangiinnginnerani nammineerluni tunuarniarluni aalajangerpoq.
Taassuma Inatsisartuni amerlanerussuteqartut Inatsisartunut naleqqutinngitsutut taasinissaat ilimagalugu facebookikkut allakkamini taamani oqaatigaa.
Nuummi Siumumit tunuarneranut tamatumuuna suna pissutaanersoq allanngilaa. Taassumali suleqatigisimasani tamarmik qujassuteqarfigai, Siumut Nuummilu ilaasortaqarnerulersimasoq erseqqissaatigalugu.
Politikkimit tunuanngitsoq
Taassuma maanna susoqarnissaa nalullugu Sermitsiaq.AG-mut oqaatigaa. Partiimut allamut ilanngutinngilaq, politikkimiillu anivinnani.
Tamatuma saniatigut borgmesteriusimasup, politikerinilu qaffasissumi inissisimasup, Jørgen Wæver Johansenip siulittaasutut paarlassagaani oqaatigaa.
